„Náttúrulega vonbrigði að tapa en á móti er ég að mörgu leiti mjög sáttur með frammistöðu stelpnana," sagði Gunnar Magnús Jónsson, þjálfari Keflavíkur eftir 3-2 tap Keflavíkur gegn ÍBV í kvöld.
Lestu um leikinn ÍBV 3 - 2 Keflavík
„Vorum ekki fjarri því að jafna í lokin en þær voru ofan á í dag. Við vorum lengi í gang og þær byrjuðu betur. Það gaf okkur sjálfstraust að jafna en þær settu annað og við náðum ekki að jafna."
Sigur ÍBV þýðir að ÍBV fer upp fyrir Keflavík. Gunnar var spurður út í framhaldið hjá sínu liði.
„Ég sé framhaldið bjart, við erum búin að þroskast mikið í þessari deild. Vonandi fellur þetta með okkur næst," sagði Gunnar að lokum.
