| fim 23. júlí 2020 21:56 |
|
Kristinn Freyr: Leið síðast svona vel þegar ég var 23 ára
Kristinn Freyr Sigurðsson.
„Auðvitað er ég ánægður með stigin þrjú. Það var stefnan fyrir leikinn að ná í þau og mjög ánægjulegt að ná þeim," sagði Kristinn Freyr í viðtali eftir leik.
Lestu um leikinn: Valur 3 - 0 Fylkir
„Við sköpuðum fullt af færum, en ég verð að hrósa Fylkisliðinu. Þeir eru með frábært lið og eru mjög erfiðir."
Kristinn Freyr var ekki í byrjunarliði í upphafi móts en er búinn að vinna sér sæti í liðinu. Hann segist vera í mjög góðu líkamlegu standi. „Það er frábært að vera kominn inn á völlinn og ég reyni að hjálpa liðinu að vinna leiki. Núna þurfum við að ná stöðugleika og þá gæti þetta orðið skemmtilegt sumar."
„Síðast þegar mér leið svona vel í líkamanum þá var ég bara 23 ára. Ég get ekki annað en verið bjartsýnn og jákvæður á sumarið. Vonandi næ ég halda mér frá meiðslum og hjálpa liðinu."
Viðtalið má sjá í heild sinni hér að ofan.
Athugasemdir
Nýjustu fréttirnar
