Championship: Sheffield United mistókst að komast á toppinn

Sheffield United mistókst að komast á toppinn í Championship deildinni þegar liðið tapaði gegn Hull í kvöld.

Matt Crooks gekk til liðs við Hull frá Real Salt Lake í fyrir tveimur vikum síðan. Hann var í byrjunarliðinu í fyrsta sinn i kvöld og sá til þess að liðið var með 1-0 forystu í hálfleik.

Chris Wilder, stjóri Sheffield, gerði þrefalda breytingu eftir tæplega klukkutíma leik. Tyrese Campbell var einn þeirra sem kom inn á og hann skoraði með sinni fyrstu snertingu en markið var dæmt af vegna rangstöðu.

Matty Jacob bætti öðru marki Hull við áður en Harrison Burrows varð fyrir því óláni að skora sjálfsmark og innsigla sigur Hull. Leeds fær tækifæri til að ná fjögurra stiga forystu á toppnum þegar liðið mætir Burnley á mánudagskvöldið. Hull stökk upp úr fallsæti með sigrinum.