Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   fim 24. júní 2021 10:28
Sæbjörn Þór Þórbergsson Steinke
Orri Steinn skoraði og móðir hans lýsti því fyrir föður hans - Meistari með U17
Stórskemmtileg mynd
Stórskemmtileg mynd
Mynd: FCK
Orri Steinn
Orri Steinn
Mynd: FC Kaupmannahöfn
Orri Steinn Óskarsson er á mála hjá FC Kaupmannahöfn í Danmörku. Orri er mikill markaskorari og skoraði hann annað mark U17 ára liðsins sem tryggði sigur gegn Nordsjælland í gær.

Markið tryggði ekki einungis sigurinn heldur einnig svo gott sem titilinn í deildinni því liðið er með þriggja stiga forskot fyrir lokaumferðina sem og stendur auk þess 32 mörkum betur en Midtjylland.

Markið sem Orri skoraði í gær, korteri fyrir leiksklok. var hans 26. fyrir U17 liðið í vetur. Ofan á það hefur hann skorað tíu mörk með U19 liði félagsins.

Orri Steinn verður sautján ára gamall í haust. Hann er á sínu öðru ári með danska liðinu en hann gekk í raðir félagsins eftir að hafa hjálpað Gróttu að vinna sér sæti í Pepsi Max deildinni í fyrsta skiptið.

Magnús Agnar Magnússon, umboðsmaður Orra, birti ansi skemmtilega mynd á Facebook í gær.

Þar sést Orri vera að fagna markinu og móðir hans, Laufey Kristjánsdóttir, brosir á meðan hún er að tala í símann.

Hún er þar að tala við Óskar Hrafn Þorvaldsson, þjálfara Breiðabliks sem er faðir Orra. Þetta staðfesti Orri við Fótbolta.net í dag.

„Hún er alltaf með textalýsingu fyrir hann," sagði Orri.


Athugasemdir
banner
banner
banner
banner