Byrjunarlið Víkings og Keflavíkur: Sölvi hristir vel í hópnum en bara nauðsynlegar breytingar hjá gestunum

Sölvi Geir Ottesen gerir mikið af breytingum frá tapinu gegn Þór. Aron Snær kemur í markið og verður með Ekroth og Vatnhamar sér til varnar. Einnig kemur Helgi Guðjóns í vörnina. Daði Berg skoraði gegn Þór og byrjar í kvöld. Óskar Bogga, Stígur Diljan og Karl Friðleifur koma sömuleiðis í byrjunarliðið.

Valdimar Þór Ingimundarson er í banni í vegna uppsafnaðra spjalda og verður ekki með í kvöld.

Haraldur Freyr Guðmundsson gerir þrjár breytingar á sínu liði og eru þær allar svona nauðsynlegar, Eiður Orri Ragnarsson sem skoraði tvö mörk í síðasta leik má ekki spila gegn Víking því hann er á láni frá þeim. Muhamed Alghoul er síðan að taka út leikbann vegna uppsafnaðra spjalda, en hann skoraði einnig í síðasta leik. Síðan meiddist Anton Kralj það er ljóst að hann verður ekki meira með Keflavík í sumar. Inn fyrir þá koma Axel Ingi, Dagur Ingi og Ásgeir Páll.