Atletico Madrid kom til baka úr stöðunni 0-2 gegn Real Sociedad í toppbaráttuslag í La Liga í gær. Leikurinn endaði með 2-2 jafntefli þar sem Luis Suarez skoraði bæði mörk Atleti.

Diego Simeone, stjóri Atleti, hefur áhyggjur af varnarleiknum þar sem liðið hefur nú fengið fimm mörk á sig í síðustu tveimur leikjum, sem er óvanalagt hjá liði undir hans stjórn. Liðið tapaði 2-3 gegn Liverpool í Meistaradeildinni í liðinni viku.

„Já, þetta er áhyggjuefni. Við verðum að bæta okkur eins fljótt og hægt er. Við getum alltaf skorað en það þarf að vera jafnvægi," sagði Simeone.

Hann hrósaði Felipe sem hefur leyst af Stefan Savic í miðri vörninni. „Felipe leit stórkostlega út. Í þremur leikjum hefur hann verið okkar besti maður. Liðið þarf að verjast sem heild svo við náum að bæta okkur," sagði Simeone.

Norðmaðurinn Alexander Sörloth og Svíinn Alexander Isak komu Sociedad í 2-0 í leiknum en eftir markið frá Isak þá tók Atletico völdin á vellinum og náði að koma til baka. Atleti er sem stendur í fjórða sæti með átján stig eftir níu leiki.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit