Fótbolti.net

Damir um rauða spjaldið: Þetta var klárt rautt spjald

Þorsteinn Már: Rosalega sáttur við að vera kominn í KR

Jón Sveins: Það er alltaf smá stress að ná fyrsta sigrinum

Siggi Raggi: Ég hefði alltaf viljað sjá annan lit á spjaldinu

Arnar Gunnlaugs: Þetta var ekki 3-0 leikur

Albert Hafsteins: Þessi sigur gefur okkur helling

Rúnar Kristins: Þorsteinn bjargaði þessum 3 stigum

Óskar Hrafn: Ég er bara sæmilega sáttur með lífið

Siggi Höskulds: Ég trúi ekki að við höfum tapað þessum leik

Halli Björns: Ekki slæmt að eiga geit á bekknum

Heimir Guðjóns: Aldrei lent í því áður að tveir meiðist í upphitun

Gústi Gylfa: Það er mikil samkeppni - Óskar á bekknum og Brynjar utan hóps

Jón Þór: Þurfum að hætta að spila gegn sjálfum okkur

Arnar Grétars: Hefði gefið þeim blóð á tennurnar

Daníel Hafsteins: Fínt að vera á toppnum

Davíð Snær: Er í góðu standi og tilbúinn fyrir sumarið

Hemmi Heiðars: Margt jákvætt en þeir voru sterkari þar sem það skipti máli

Óli Jó: Þú þarft að vinna til þess að fá smá sjálfstraust

Gunnar Heiðar: Við fórum bara back to basics

Björgvin Karl: Ef við náum 6 stig í byrjun þá hlakka mér til seinna í sumar

mið 26. janúar 2022 21:30

@saebjornth

Sæbjörn Þór Þórbergsson Steinke

Dahl: Vonast til að hjálpa Leikni að skora meira en liðið gerði í fyrra

Mikkel Dahl og Siggi þjálfari.

Mynd: Leiknir R.

Mynd: HB.fo

Mikkel Dahl er 28 ára danskur sóknarmaður sem varmarkahæstur í færeysku Betri-deildinni á síðasta tímabili. Hann sló markamet færeysku deildarinnar í fyrra þegar hann skoraði 27 mörk fyrir HB. Hann var kynntur sem nýr leikmaður Leiknis í síðustu viku og ræddi við Fótbolta.net í gær.

„Fyrstu dagarnir hafa verið góðir og ákefðin á æfingum hefur verið fín. Það eru auðvitað nokkrir hlutir sem við þurfum að kunna og við erum að læra inn á þá," sagði Mikkel.

Viðtalið í heild má sjá í spilaranum að ofan

„Það var mikið rætt við marga umboðsmenn frá nánast öllum stöðum í heiminum en ég hafði góða tilfinningu fyrir því að koma í Leikni. Ég ræddi við Sigga þjálfara, sá nokkra leiki sem hann sendi mér og ég gat séð að leikstíll liðsins passar við minn leikstíl. Mér líkar við fótboltann og fannst að þetta væri rétta skrefið fyrir mig."

Horfir þú á skrefið til Íslands sem skref upp á við frá færeysku deildinni?

„Já, ég tel íslensku deildina vera betri. Það eru nokkur góð lið, toppliðin í færeysku deildinni, en á heildina litið þá sé ég íslensku deildina sem skref upp á við. Ég viðurkenni að ég þekki ekki allt í tengslum við deildina en ég hef aðeins fylgst með síðustu ár. Á þessum tímapunkti veit ég ekki alveg við hverju ég á að búast."

Ræddiru við einhvern leikmann áður en þú ákvaðst að koma til Íslands? „Ég ræddi við leikmann HB sem hafði verið hjá FH [Jákup Thomsen] og hann sagði að deildin væri góð. Það hafði ekki úrslitaáhrif heldur frekar spjallið við Sigga og hvernig liðið spilar."

Dahl skoraði 41 mark í 38 leikjum með HB í Betri-deildinni. Hefuru alltaf verið jafnmikill markaskorari? „Ég hef alltaf skorað mörk en auðvitað skoraði ég mun fleiri mörk en áður þetta síðasta eina og hálfa árið. Ég hef hugsað vel um líkamann á mér og spila því mun meira en ég gerði áður."

Hann var spurður út í leikstíl sinn, við hverju má búast? „Ég hef séð Sævar [Atla Magnússon] spila aðeins með Lyngby og ég sé hluti í hans leik sem eru líka í mínum leik. Ég er snöggur, get hlaupið mikið og af mikill ákefð. Ég held að ég passi vel inn í leikstílinn hér, hápressa, djúp hlaup og að reyna teygja á varnarlínu andstæðinganna."

„Ég vonast til að hjálpa liðinu að skora mörk, leiðinlega svarið er að við erum lið og við verjumst og sækjum sem lið. Ég er fenginn til þess að skora mörk og vonandi get ég hjálpað liðinu að skora meira en það gerði á síðasta tímabili."

Að lokum, ertu með eitthvað markmið þegar kemur að næsta skrefi á ferlinum? „Á þessari stundu lít ég ekki mikið lengra en að spila hér með Leikni, það skiptir ekki máli ef ég stend mig ekki vel núna. Eftir að ég hef staðið mig vel þá get ég horft á mögulegt næsta skref," sagði Mikkel Dahl að lokum.

Athugasemdir

Nýjustu fréttirnar