banner
banner
föstudagur 4. júlí
Lengjudeild karla
mánudagur 30. júní
2. deild karla
laugardagur 28. júní
Lengjudeild karla
fimmtudagur 26. júní
Lengjudeild karla
þriðjudagur 24. júní
Lengjudeild kvenna
fimmtudagur 19. júní
Mjólkurbikar karla
Lengjudeild karla
Lengjudeild kvenna
Mjólkurbikar karla
fimmtudagur 12. júní
Mjólkurbikar kvenna
Lengjudeild kvenna
Mjólkurbikar kvenna
miðvikudagur 11. júní
þriðjudagur 10. júní
Vináttulandsleikur
föstudagur 6. júní
Vináttulandsleikur
Besta-deild kvenna
Lengjudeild kvenna
fimmtudagur 5. júní
þriðjudagur 3. júní
Þjóðadeild kvenna
mánudagur 2. júní
Besta-deild karla
laugardagur 31. maí
2. deild karla
þriðjudagur 1. júlí
HM félagsliða
Dortmund - Monterrey - 01:00
Man City 3 - 4 Al Hilal Riyadh
Real Madrid - Juventus - 19:00
mið 26.apr 2023 23:30 Mynd: Fótbolti.net - Hafliði Breiðfjörð
Magazine image

Spá þjálfara og fyrirliða fyrir Lengjudeildina: 11. sæti

Fótbolti.net kynnir liðin sem leika í Lengjudeildinni í sumar eitt af öðru eftir því hvar þeim er spáð. Við fengum alla fyrirliða og þjálfara í deildinni til að spá fyrir sumarið og fengu liðin stig frá 1-11 eftir því en ekki var hægt að spá fyrir sínu eigin liði.

Spáin:
1. ?
2. ?
3. ?
4. ?
5. ?
6. ?
7. ?
8. ?
9. ?
10. ?
11. Þróttur R., 58 stig
12. Ægir, 27 stig

11. Þróttur R.
Þróttarar komnir upp í Lengjudeildina og geta vel komið á óvart í sumar ef þeir ná að spila mikið upp á sína styrkleika, þeir eiga að gefa öllum liðum leik með öguðum varnarleik og vel útfærðum skyndisóknum.



Þjálfarinn: Ian Jeffs er á leið í sitt annað tímabil hjá Þrótti. Hann kom liðinu upp á fyrsta tímabili og núna er verkefnið að halda liðinu uppi í næst efstu deild. Jeffs, sem er fertugur Englendingur, er fyrrum aðstoðarþjálfari íslenska kvennalandsliðsins og var áður en hann tók við Þrótti aðstoðarmaður Helga Sigurðssonar hjá ÍBV. Hann hefur verið á Íslandi frá árinu 2003 þegar hann fyrst gekk í raðir ÍBV.



Styrkleikar: Gríðarlega skipulagt og vel þjálfað lið, eru sterkir varnarlega og leikmenn þekkja sín hlutverk vel, samstilltir og kraftmiklir. Þróttarar verða skipulagðir og skeinuhættir í sumar, eru mjög öflugir í skyndisóknum með eldfljóta leikmenn eins og Izaro Abella, Ernest Slupski, Ágúst Karel og fleiri. Einnig eru þeir að miklu leyti með svipaðan hóp og í fyrra, sterkur kjarni sem hefur spilað saman og náð árangri, þekkja hvorn annan vel.



Veikleikar: Ekki nógu sterkir í að stjórna leikjum með boltann, gætu lent í vandræðum sóknarlega ef lið leggjast aftar og loka svæðum fyrir þeirra eldfljótu menn til að ráðast í. Þeir eru líka ekki með mikla reynslu í liðinu í Lengjudeild, Úkraínumennirnir, Ernest og fleiri lykilmenn hafa ekki spilað þar áður.

Lykilmenn: Miðvörðurinn öflugi Kostiantyn Pikul, sóknarsinnaði miðjumaðurinn Kostiantyn Iaroshenko og fyrirliðinn Sam Hewson. Iaro og Hewson eru gífurlega reynslumiklir og eru mikil gæði í þeim, Hewson var hjá Manchester United í upphafi síns ferils og Iaro var hjá Shakhtar Donetsk.


Iaro er ofboðslega gæðamikill leikmaður

Fylgist með: Ernest Slupski
Eldfljótur og leikinn kantmaður, kom eins og stormsveipur inn í lið Þróttara um mitt mót í fyrra og spilaði stóran þátt í því að koma liðinu upp um deild.


Ernest er spennandi leikmaður

Komnir
Ágúst Karel Magnússon frá Ægi
Jörgen Pettersen frá ÍR
Njörður Þórhallsson frá KV
Óskar Sigþórsson frá ÍH


Þróttur fékk Jörgen frá ÍR í vetur

Farnir
Alex Baker til Ástralíu
Franz Sigurjónsson á láni til KFS
Miroslav Pushkarov til Slóvakíu
Aron Fannar Hreinsson í ÍR (var á láni frá Fjölni)

Líklegt byrjunarlið


Fyrstu þrír leikir Þróttar:
5. maí, Þróttur R. - Leiknir R. (AVIS völlurinn)
11. maí, Fjölnir - Þróttur R. (Extra völlurinn)
21. maí, Þróttur R. - Ægir (AVIS völlurinn)
Athugasemdir