Newcastle hefur áhuga á Jóni Degi - Brighton reynir við Summerville - Tilboði Tottenha í Toney hafnað
   mán 27. maí 2024 12:30
Guðmundur Aðalsteinn Ásgeirsson
Sterkasta lið 6. umferðar - Blikar syngja og tralla á toppnum
Blikar lögðu Val að velli.
Blikar lögðu Val að velli.
Mynd: Jónína Guðbjörg Guðbjartsdóttir
Karen María er að spila vel með Þór/KA.
Karen María er að spila vel með Þór/KA.
Mynd: Fótbolti.net - Hafliði Breiðfjörð
Caroline Van Slambrouck tók nýverið fram skóna aftur.
Caroline Van Slambrouck tók nýverið fram skóna aftur.
Mynd: Jónína Guðbjörg Guðbjartsdóttir
Breiðablik á fjóra fulltrúa í liði umferðarinnar í Bestu deild kvenna eftir sigur gegn Val í stórleik umferðarinnar í gulri viðvörun á föstudagskvöld.

Barbára Sól Gísladóttir skoraði sigurmarkið en Heiða Ragney Viðarsdóttir var frábær á miðsvæðinu hjá Blikum enn eina ferðina. Þá breytti innkoma Ólafar Sigríðar Kristinsdóttur leiknum en hún var algjörlega frábær.

Nik Chamberlain er þá þjálfari umferðarinnar en Blikar eru með fullt hús stiga á toppnum eftir sigurinn.



Þróttarar, botnlið deildarinnar, eiga engan fulltrúa í liðinu eftir tap í Keflavík. Markvörðurinn Vera Varis stóð vaktina vel hjá Keflavík og þá var Caroline Van Slambrouck öflug í vörninni. Hún tók nýverið fram skóna aftur og hefur komið sterk inn í Keflavíkurliðið.

Þór/KA vann 5-0 sigur á Tindastóli og þar voru Karen María Sigurgeirsdóttir og Hulda Björg Hannesdóttir bestar. Leikur Stjörnunnar og Fylkis fór einnig fram á föstudagskvöld en þar var Hulda Hrund Arnarsdóttir best gegn sínum gömlu félögum í Fylki. Eva Rut Ásþórsdóttir var besti leikmaður Fylkis í 2-1 tapi.

Þá gerðu FH og Víkingur 2-2 jafntefli í skemmtilegum leik. Breukelen Woodard var best í liði FH og Freyja Stefánsdóttir var best í liði Víkings.

Fyrri lið umferðarinnar:
Sterkasta lið 5. umferðar
Sterkasta lið 4. umferðar
Sterkasta lið 3. umferðar
Sterkasta lið 2. umferðar
Sterkasta lið 1. umferðar
Athugasemdir
banner
banner
banner