Championship: Millwall með sterkan sigur á Portsmouth

Porstmouth og Millwall áttust við í Championship deildinni í kvöld. Leikurinn átti upphaflega að fara fram í nóvember en var frestað eftir að flóðljósin á Fratton Park biluðu.

Þau voru í toppstandi í kvöld en heimamenn voru það hins vegar ekki.

Portsmouth var mun meira með boltann en það var mark frá Mihailo Ivanovic sem tryggði Millwall stigin þrjú.

Þar með lauk sjö leikja hrinu Portsmouth án þess að tapa á heimavelli. Liðið er aðeins tveimur stigum frá fallsæti en Millwall er um miðja deild og er komið tíu stigum frá fallsæti.