Tottenham lenti í vandræðum með sóknarlínuna sína á nýliðnu tímabili og vill Ange Postecoglou þjálfari fá tvo sóknarleikmenn inn í viðbót.

Félagið ætlar að krækja í einn framherja og einn kantmann í sumar, en búist er við að nokkrir leikmenn muni einnig yfirgefa félagið.

Timo Werner, Richarlison, Brennan Johnson, Dejan Kulusevski, Heung-min Son, Manor Salomon og Bryan Gil eru sóknarleikmenn Tottenham eins og staðan er í dag, en margir þeirra lentu í meiðslum á leiktíðinni.

Þá er Bryan Gil ekki talinn vera partur af áformum Postecoglou.