Líkleg byrjunarlið Chelsea og Man Utd

Chelsea er í efsta sæti deildarinnar á meðan Manchester United er komið í það níunda eftir afleitt gengi í deildinni á undanförnum vikum.

Chelsea hefur verið að spila frábærlega að undanförnu. Liðið er hins vegar í smá meiðslavandræðum fyrir þennan leik en Ben Chilwell og N'golo Kante fóru báðir meiddir af velli í leiknum gegn Juventus í miðri viku.

Hjá Manchester United eru þeir Raphael Varane og Paul Pogba meiddir og þá eru þeir Mason Greenwood, Edinson Cavani og Fred allir tæpir. Harry Maguire er þá í leikbanni.

Anthony Taylor dæmir stórleikinn á eftir en hér til hliðar má sjá mynd af líklegum byrjunarliðum frá The Guardian.