Ákveðinn í að fá Haaland til Barcelona - City veitir Liverpool keppni um Guehi - Everton mun ekki hlusta á tilboð í Branthwaite
Magnús Már: Það er gjörsamlega óásættanlegt
Viktor Jóns: Tók eftir því strax í vetur hvað býr í þessum gæja
Damir: Það er enginn skjálfti
Láki: Þetta réðst ekki hér
Lárus Orri kjarnyrtur „Berjast fyrir þessu og fara í svolítið fuck you mode"
Dóri Árna: Það er alveg rétt að stigasöfnun hefur verið rýr í síðustu deildarleikjum
Breki Baxter: FH leikurinn situr núna í okkur
Gummi Kristjáns léttur: Er að spila alltof aftarlega á vellinum
Túfa hefur ekki áhyggjur - „Alvöru menn taka mótlætið á kassann“
„Ekkert að rífa okkur upp til skýja fyrir að vinna Val hérna“
Valdimar Þór: Þurftum ekkert að elta þá út um allt
Sölvi eftir stórsigur á Meistaravöllum: Líst mjög vel á þetta gras hér í KR
Óskar Hrafn hugar að breytingum: Egó þjálfarans getur ekki verið að þvælast fyrir árangri liðsins
Davíð Smári: Ósáttur með að við skulum gleyma fyrir hvað við stöndum
Bjarni Guðjón: Það er gaman að vera Þórsari í dag
„Fullyrði að ekki nokkur leikmaður hefur bætt sig jafn mikið eftir þrítugt"
Rúnar: Þá tekur þú ekki besta leikmanninn í liðinu útaf
Hallgrímur Mar: Getum engum öðrum en sjálfum okkur um kennt
Heimir: Þeir voru að svæfa leikinn og komust upp með það
Jón Daði: Þarf að komast í burtu frá fótbolta og hreinsa hugan
   þri 28. nóvember 2023 17:30
Hafliði Breiðfjörð
Cardiff, Wales
'Jú, jú þetta er rétt Guðný, bara bíddu aðeins'
Guðný á æfingu Íslands í Cardiff í dag.
Guðný á æfingu Íslands í Cardiff í dag.
Mynd: Jónína Guðbjörg Guðbjartsdóttir
Varinn bolti!
Varinn bolti!
Mynd: Jónína Guðbjörg Guðbjartsdóttir
Mynd: Jónína Guðbjörg Guðbjartsdóttir
„Maður þarf alltaf að leggja inn vinnuna en svo er að vona að símtalið komi og það kom," sagði Guðný Geirsdóttir markvörður ÍBV sem er nýjasta landsliðskona Íslands.

Þorsteinn Halldórsson landsliðsþjálfari Íslands hringdi í hana og sagði henni frá vali sínu.

„Ég var ekki að búst við símtalinu, ég var að læra fyrir lokapróf þegar ég fékk símtal og bjóst ekki við því en það var virkilega skemmtilegt. Steini hringdi í mig og þurfti að spyrja hvort þetta væri rétt Guðný því ég var svo mikið hissa í símann. Ég var alveg: 'Jú, jú þetta er rétt Guðný, bara bíddu aðeins'"

Guðný er því með íslenska liðinu í Cardiff í Wales þessa stundina en þar mætast þjóðirnar í Þjóðadeildinni á föstudagskvöldið. Fyrsta æfing var í morgun og hún ræddi við Fótbolta.net eftir hana.

„Það er rétt rúmur sólarhringur síðan við lentum og vorum komnar á hótelið um fjögurleitið í gær. Ég er búin að vera uppi á hótelherbergi að læra síðan þá því ég er að fara í lokapróf á morgun. Svo get ég farið að njóta þess að vera hérna," sagði Guðný sem er i klásus í hjúkrunarfræði hjá HA en þar komast 70 inn af 180.

Guðný var í ÍBV liðinu sem féll úr Bestu-deildinni í sumar en ákvað eftir tímabilið að framlengja við félagið um tvö ár þrátt fyrir það.

„Að sjálfsögðu ætla ég að taka slaginn og gera mitt allra besta til að koma þeim upp aftur því þær eiga heima í Bestu-deildinni. Það er leiðinlegt að hafa fallið en hlutirnir gerast og það þarf að vinna í gegnum það aftur. "

Aðspurð hvort hana hafi ekki langað til að taka stærra skref til dæmis til að tryggja áframhaldandi veru í landsliðinu sagði Guðný?

„Eftir að tímabilinu lauk fór ég að pæla í því að það eru bara ekki mörg lið í efstu deild sem vantar markmann núna. Það er bara þannig og ég sá bara fyrir mér að það væri best að vera bara heima og reyna að koma liðinu aftur upp. Ég get alveg reynt að halda sætinu þó ég sé í 1. deild frekar en Bestu."

Todor Hristov þjálfari ÍBV hætti með liðið eftir tímabilið og liðið er enn þjálfaralaust.

„Auðvitað er það ekki frábært en ég hef trú á að ráðið finni góðan þjálfara til að sjá um okkur," sagði Guðný en hefur hún heyrt einhverjar sögur?

„Það eru allskonar sögur á flugi en það er alltaf. Það eru alltaf einhver 17 nöfn í gangi í einu en ég treysti ráðinu að gera það rétta í stöðunni."

Þú hlýtur að hafa heyrt eitthvað í stelpunum heldurðu að þið verðið með svipað lið áfram?

„Við erum að missa nokkrar. Júlíana er búin í líkamanum, hún fór í aðgerð í fyrra og ætlaði að halda áfram en sá hægt og rólega að það væri búið. Við vitum ekki með Kristínu Ernu, hún ætlaði að hætta í fyrra en svo hélt hún áfram. Maður veit aldrei hvort það komi eitt tímabil í viðbót. Við höfum alltaf verið með nokkra útlendinga og verðum með Olgu áfram og Telusia skrifaði undir eins og hálfs árs samning. Ég verð áfram og svo erum við með allar ungu stelpurnar sem eru að koma upp. Þær eru gríðarlega efnilegar og hafa lagt mikið á sig í vetur."
Athugasemdir
banner