Heimild: Vísir
Böðvar Böðvarsson.
„Ég bjóst kannski ekki við því að þeir væru án sigurs komandi inn í leik kvöldsins. FH er með hörkulið þegar að allir eru heilir. Það hefur komið mér á óvart hversu mikið andleysi hefur verið oft á tíðum. Það eru sterkir karakterar í þessu liði og bara tímaspursmál rífa sig úr þessu. Vonandi ekki í kvöld," segir Böðvar Böðvarsson, leikmaður ÍA, í viðtali við Vísi.
FH og ÍA mætast í Bestu deildinni í kvöld. Mikið fjölmiðlafár varð þegar Böddi yfirgaf FH, uppeldisfélag sitt, fyrir tímabilið en Hafnarfjarðarfélagið ákvað að losa hann. Skagamenn kræktu í hann.
FH og ÍA mætast í Bestu deildinni í kvöld. Mikið fjölmiðlafár varð þegar Böddi yfirgaf FH, uppeldisfélag sitt, fyrir tímabilið en Hafnarfjarðarfélagið ákvað að losa hann. Skagamenn kræktu í hann.
„Þegar að ég skrifaði undir hjá ÍA á sínum tíma þá bjóst ég við því að yrði mikill fiðringur og spenna fyrir þessum leik. Hún er aðeins minni en ég bjóst við. Maður er ekkert að fara á límingunum en að sjálfsögðu verður þetta að einhverju leiti skrítin tilfinning. Að mæta gömlum vinum og uppeldisfélaginu. Maður er drulluspenntur fyrir kvöldinu."
Þetta verður í fyrsta skipti sem Böðvar mætir í Kaplakrika sem leikmaður gestaliðs. FH hefur aðeins tvö stig en byrjun ÍA hefur einnig verið vonbrigði, liðið er með níu stig í áttunda sæti.
„Sigur hjá okkur kemur okkur á þá braut að við erum ekki langt frá hlutum í efri hlutanum. Gífurlega mikilvægur leikur fyrir okkur. Þó frammistaðan hafi oft á tíðum verið mjög góð , og við sáttir með hana stóran hluta tímabilsins, þá hefur stigasöfnunin ekki verið nógu öflug," segir Böðvar í viðtali við Aron Guðmundsson hjá Vísi.
föstudagur 29. maí
19:15 FH-ÍA (Kaplakrikavöllur)
19:15 Fram-Breiðablik (Lambhagavöllurinn)
Besta karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 9 | 8 | 1 | 0 | 29 - 5 | +24 | 25 |
| 2. KR | 9 | 7 | 1 | 1 | 33 - 20 | +13 | 22 |
| 3. Fram | 8 | 5 | 2 | 1 | 21 - 13 | +8 | 17 |
| 4. Breiðablik | 8 | 4 | 3 | 1 | 19 - 11 | +8 | 15 |
| 5. Valur | 9 | 5 | 0 | 4 | 18 - 17 | +1 | 15 |
| 6. Keflavík | 8 | 3 | 2 | 3 | 11 - 12 | -1 | 11 |
| 7. KA | 8 | 3 | 1 | 4 | 9 - 10 | -1 | 10 |
| 8. ÍA | 8 | 2 | 3 | 3 | 11 - 16 | -5 | 9 |
| 9. Stjarnan | 9 | 2 | 1 | 6 | 15 - 21 | -6 | 7 |
| 10. Þór | 8 | 2 | 0 | 6 | 6 - 20 | -14 | 6 |
| 11. FH | 8 | 0 | 2 | 6 | 12 - 25 | -13 | 2 |
| 12. ÍBV | 8 | 0 | 2 | 6 | 8 - 22 | -14 | 2 |
