Sveindís tekur manninn á.
„Við vorum mjúkar á því í fyrri hálfleik en seinni hálfleikurinn var mikið skárri," sagði Sveindís Jane Jónsdóttir, leikmaður íslenska landsliðsins, eftir sigur gegn Póllandi í vináttulandsleik í dag.
Lestu um leikinn: Pólland 1 - 3 Ísland
Ísland var 1-0 undir í hálfleik en sýndi mikinn karakter með því að koma til baka og vinna leikinn 1-3.
„Seinni hálfleikurinn er eitthvað sem við ætlum að taka með okkur á EM."
Hvað var það sem Steini fór yfir í hálfleik. „Hann sagði okkur bara að vera harðari á því. Við vorum ótrúlega soft í fyrri hálfleik og svo tókum við þær og negldum þær niður í seinni hálfleik. Það var okkar leikur eftir það."
Sveindís skoraði mjög flott mark í seinni hálfleiknum. „Ef maður sér opnunina þá verður maður bara að taka af skarið. Það er ekki alltaf hægt að taka manninn á en í þessum leik var það akkúrat það sem ég þurfti að gera."
„Það er gott að taka þetta með til Englands."
Viðtalið er í heild sinni hér að ofan.
Athugasemdir
