Jói Berg framlengir við Burnley

Landsliðsmaðurinn er í miklum metum hjá stjóranum Vincent Kompany.

Jóhann er 32 ára kantmaður sem hefur komið við sögu í 20 af 28 deildarleikjum Burnley á tímabilinu. Liðið er í toppsæti Championship deildarinnar, hefur unnið átta leiki í röð og stefnir á sæti í deild þeirra bestu á nýjan leik.

Jóhann á að baki 82 landsleiki og sneri til baka í landsliðið í nóvember eftir rúmlega ársfjarveru.

Hann kom til Burnley frá Charlton sumarið 2016.