Leik Vals og Stjörnunnar flýtt um sólarhring

Leik Vals og Stjörnunnar í Bestu deildinni hefur verið flýtt um sólarhring vegna þátttöku Vals í 3. umferð forkeppninnar í Sambandsdeildinni.

Bæði lið spiluðu í 2. umferðinni í gær, Stjarnan féll úr leik gegn finnska liðinu Ilves en Valur fór áfram eftir frækinn sigur á Zrinjski og spilar í næstu umferð næsta fimmtudag.

Valur mætir danska liðinu Nordsjælland í 3. umferðinni og verður fyrri leikurinn spilaður á heimavelli Vals.