🧤🇯🇵 pic.twitter.com/LkRy4rLQvH

— Aston Villa (@AstonVilla) August 31, 2026

Unai Emery gerir tvær breytingar á liði Aston Villa sem missti mann af velli með rautt spjald og steinlá 4-0 gegn Brighton í fyrstu umferð. Zion Suzuki þreytir frumraun sína á milli stanganna og fer Nicolas Jackson beint inn í sóknarlínuna.

Suzuki er nýkominn til Villa og fyllir í skarðið fyrir Emiliano Martínez sem er farinn til Chelsea. Nicolas Jackson er líka nýr og á að taka við starfi Ollie Watkins í fremstu víglínu.

Jackson kemur inn í byrjunarliðið fyrir Joao Gomes sem er í leikbanni eftir að hafa verið rekinn af velli í Brighton.

Mikel Arteta mætir þá til leiks með sama byrjunarlið og lagði Coventry að velli í fyrstu umferð. Bruno Guimaraes og Ezri Konsa byrja á bekknum en þeir voru keyptir í sumar úr röðum Newcastle og Aston Villa.

Aston Villa: Suzuki, Cash, Lindelof, Pau, Maatsen, Kamara, Barkley, McGinn, Buendía, Hemmings, Jackson.
Varamenn: Bizot, Mings, Ruggeri, Garnacho, Abraham, Bogarde, Wan-Bissaka, Alysson, Lynch.

Arsenal: Raya, White, Mosquera, Gabriel, Calafiori, Rice, Lewis-Skelly, Odegaard, Saka, Tzolis, Havertz.
Varamenn: Kepa, Hincapie, Konsa, Zubimendi, Guimaraes, Merino, Eze, Madueke, Gyokeres.

Síðasti leikurinn í 2. umferð ensku úrvalsdeildarinnar fer fram í kvöld þegar Aston Villa fær Arsenal í heimsókn.

Aston Villa fékk skell í fyrstu umferð en liðið tapaði 4-0 á móti Brighton. Ollie Watkins var í stríði við félagið og var ekki með og hefur nú verið seldur til Al Hilal. Liðið fékk Nicolas Jackson í staðin og gæti hann spilað sinn fyrsta leik í kvöld.

Þá verður Joao Gomes í banni eftir að hafa fengið rautt spjald í frumrauninni sinni gegn Brighton.

Arsenal hóf titilvörnina á sannfærandi 3-0 sigri á nýliðum Coventry. Chris Tzolis sýndi góða frammistöðu í sínum fyrsta leik í úrvalsdeildinni.