Man Utd hefur sektað Lisandro Martínez fyrir ummæli sem hann lét falla eftir 2-0 tap gegn Atletico í Meistaradeildinni á þriðjudaginn.
Hann gagnrýndi Jason Wilcox, yfirmann fótboltamála hjá Manchester United, harðlega fyrir metnaðarleysi og taldi félagið ekki hafa gert nóg til að styrkja leikmannahópinn í sumar.
„Það vita allir að ég sé tilfinningaríkur og ég lifi fyrir fótbolta af miklum krafti. Pirringurinn eftir tapið varð til þess að ég sagði mína skoðun á stað og tíma sem var sennilega ekki réttur og ég biðst afsökunar á því," segir Martínez meðal annars.
„Félagið er upp á sitt besta þegar við erum samstíga og ég geri mér grein fyrir að mín orð á þessu augnabliki hjálpuðu ekki til. Ég veit að allir hjá Manchester United eru að gera allt sem þeir geta til að ná sameiginlegu markmiði. Ná árangri sem þetta félag og stuðningsmenn eiga skilið."
Sunnudagur
13:00 Bournemouth - Sunderland
13:00 Brighton - Crystal Palace
13:00 Leeds - Man Utd
15:30 Nott. Forest - Arsenal
Mánudagur
19:00 Tottenham - Coventry
Roy Keane segir að Manchester United sé eins og sirkus eftir gagnrýni varnarmannsins Lisandro Martínez á stjórnendum félagsins.
„Sumir stuðningsmenn segja að þetta sé frábært og aðrir segja að ummæli hans séu vonbrigði. Sérstaklega þar sem þetta kemur frá leikmanni sem hefur ekki verið upp á sitt besta, þegar liðið á í erfiðleikum,“ segir Keane.
„Menn þurfa að byrja á því að líta í spegil áður en þeir koma með svona ummæli. Það er augljóslega ringulreið hjá félaginu, það lítur út eins og sirkus."
„Það voru þegar spurningamerki sett við klefann, það eru ekki nægilega margir karakterar þar. Ég lít ekki á Martínez sem reynslumikinn leikmann, ég lít á hann sem miðvörð sem gerir fullt af mistökum."