Ólafur Karl Finsen átti magnað sumar.
Markakóngurinn Gary Martin er að sjálfsögðu í liðinu.
Atli Guðnason er í holunni.
Fótbolti.net hefur valið úrvalslið ársins í Pepsi-deildinni að sínu mati. Á hverjum einasta leik deildarinnar var fréttaritari frá síðunni. Margir gerðu tilkall til þess að vera í liðinu en á endanum var eftirfarandi lið valið ásamt sjö varamönnum.
Ingvar Jónsson – Stjarnan
Það er ekki að ástæðulausu sem Ingvar er búinn að festa sig í sessi í landsliðshópnum. Virkilega traustur markvörður sem vann mörg stig fyrir Stjörnuliðið í sumar.
Haukur Heiðar Hauksson – KR
Átti frábært sumar í hægri bakverði KR og eru lið erlendis með augastað á honum. Atvinnumennskan gæti verið handan við hornið.
Kassim Doumbia – FH
Var besti maður fyrri helmings tímabilsins að mati Fótbolta.net. Hrikalega öflugur varnarmaður þó kveikiþráðurinn sé stuttur.
Daníel Laxdal – Stjarnan
Daníel blómstraði í hjarta varnarinnar hjá Stjörnunni í sumar og sérstaklega á erfiðum augnablikum. Daníel er ekki eins „villtur" og hann var á árum áður.
Hörður Árnason – Stjarnan
Hörður er 25 ára gamall en hann byrjaði ekki að æfa fótbolta af krafti fyrr en hann varð 15 ára gamall. Í sumar spilaði hann lykilhutverk í vinstri bakverði liðsins sem stóð uppi sem Íslandsmeistari.
Igor Taskovic – Víkingur
Þvílíkt akkeri í liði Víkings. Einn besti miðjumaður deildarinnar og getur einnig stokkið inn í hjarta varnarinnar með sóma.
Davíð Þór Viðarsson – FH
Hefði gert sterkt tilkall til þess að verða leikmaður ársins ef FH hefði náð að landa titlinum. Davíð var langt frá sínu besta þegar hann kom heim í fyrra en sýndi sínar réttu hliðar í ár.
Atli Guðnason – FH
Atli lætur lítið fyrir sér fara utan vallar og er fámáll í viðtölum en innan vallar lætur hann heldur betur til sín taka.
Gary Martin – KR
Sprakk út á lokasprettinum og raðaði inn mörkunum. Endaði sem markakóngur deildarinnar og fær gullskóinn í hendurnar á næstu dögum.
Jonathan Glenn – ÍBV
Var harðlega gagnrýndur í byrjun mótsins réttilega. En um leið og stíflan brást komu mörkin á færibandi.
Ólafur Karl Finsen – Stjarnan
Fór hreinlega á kostum í sumar og kórónaði svo frammistöðu sína með því að skora bæði mörkin í 2-1 sigri gegn FH í úrslitaleiknum um titilinn.
Varamannabekkur:
Róbert Örn Óskarsson – FH
Alan Lowing – Víkingur
Pétur Viðarsson – FH
Aron Elís Þrándarson – Víkingur
Elías Már Ómarsson – Keflavík
Veigar Páll Gunnarsson – Stjarnan
Árni Vilhjálmsson –Breiðablik
Sjá einnig:
Lið ársins 2013
Lið ársins 2012
Lið ársins 2011
Athugasemdir
