Lestu um leikinn: Valur 7 -  2 Víkingur R.

„Tilfinningin er bara góð. Það er alltaf gott að vinna," sagði Nadía eftir leikinn.

„Ég var að segja það rétt áðan að ég leyni á mér í sköllunum. Ég sé fyrirgjöfina koma og ég hugsa 'ég er að fara að setja hann'. Það er alltaf skemmtilegt að skora með skalla þegar maður er svona lág í loftinu."

„Þetta var bara góður leikur, við vorum góðar og við unnum."

Nadía skipti yfir í Val stuttu fyrir tímabilið en hún er ánægð með fyrstu vikurnar á Hlíðarenda.

„Móttökurnar hafa verið frábærar. Það er alltaf gaman að mæta á æfingu, sjúklega gaman. Þetta er bara geggjað. Það er allt mjög skemmtilegt við þetta og ég er mjög ánægð með þetta skref."

Í lokin var Nadía spurð hvort það hefði verið extra sætt að skora gegn gömlu félögunum.

„Auðvitað var það sætt. Það kom góð tilfinning um líkamann."