Eiður Aron Sigurbjörnsson er fyrirliði Vals í fjarveru Hauks Páls gegn sínum gömlu félögum.

Liðin ganga nú út á völlinn. ÍBV alhvítir eins og vanalega og Valur í rauðum peysum, hvítum buxum og bláum sokkum.

Varamarkvörðurinn Anton Ari Einarsson er áfram utan leikmannahóps hjá Val en hann hefur verið úti í kuldanum síðan hann ákvað að semja við Breiðablik um að ganga til liðs við félagið í vetur. Sveinn Sigurður Jóhannesson er því á bekknum.

Það er fallegt veður í Vestmannaeyjum. Heiðskýrt, 10 stiga hiti en smá vindur sem kemur þvert á völlinn, í átt að stúkunni.

Hjá Val er Haukur Páll Sigurðsson í leikbanni og Einar Karl Ingvarsson kemur inn í hans stað. Kristinn Ingi Halldórsson kemur inn fyrir Kaj Leó.

Í fjarveru Ian Jeffs er Andri Ólafsson að stýra ÍBV liðinu eins og áður sagði en hann hefur fengið gömlu kempuna Yngva Borgþórsson og Jón Ólaf Daníelsson þjálfara kvennaliðsins til að aðstoða sig í dag.

Sigurður Arnar Magnússon er tognaður í læri og getur ekki verið með ÍBV í dag vegna þessa.

Vals liðið er komið inn korteri of seint. Þeir gleymdu að skrá það inn.

Byrjunarlið ÍBV er klárt hér til hliðar. Valur hefur ekki skilað sínu liði inn eins og skylda er. Ætla greinilega að koma á óvart í liðsvali sínu.

Guðmundur Ársæll Guðmundsson dæmir leikinn í dag og honum til aðstoðar eru þeir Oddur Helgi Guðmundsson og Daníel Ingi Þórsson á línunum. Arnar Ingi Ingvarsson er skiltadómari og Einar Örn Daníelsson er eftirlitsmaður KSÍ.

Ian Jeffs þjálfari ÍBV mun ekki stýra liðinu í dag og hefur ekki verið með í undirbúningnum. Ástæðan er sú að hann er aðstoðarþjálfari kvennalandsliðsins og hefur verið í verkefni með þeim enda leikir gegn Ungverjalandi síðasta fimmtudag og Slóvakíu á morgun. Andri Ólafsson aðstoðarmaður hans stýrir því liðinu í dag.

Jón Þór Hauksson landsliðsþjálfari kvenna spáði í leiki 19. umferðar

ÍBV 2 - 1 Valur
ÍBV var uppá Skaga um síðustu helgi. Ég ráðlegg öllum knattspyrnumönnum að gera slíkt hið sama. Andri Adolphs enn og aftur allt í öllu í sóknarleik Vals og skorar mark þeirra.

Fyrri leikur liðanna í sumar fór fram 15. júní á Origo-vellinum að Hlíðarenda fyrir framan 824 áhorfendur. Valur vann leikinn nokkuð auðveldlega með fimm mörkum gegn einu.

Valur 5 - 1 ÍBV
1-0 Lasse Petry ('21)
1-1 Sigurður Arnar Magnússon ('53)
2-1 Andri Adolphsson ('55)
3-1 Ólafur Karl Finsen ('60)
4-1 Lasse Petry ('64)
5-1 Ólafur Karl Finsen ('84)

Þetta er stór dagur fyrir Gary Martin sem mætir í dag sínum gömlu félögum í Val. Hann gekk í raðir Vals í vetur en hafði aðeins leikið þrjá leiki í Pepsi Max-deildinni og skorað tvö mörk þegar Ólafur Jóhannesson þjálfari Vals fékk nóg af honum og setti hann út í kuldann.

Hann samdi í kjölfarið við ÍBV og fékk leikheimild með þeim 1. júlí. Þar hefur hann skorað 4 mörk í 8 leikjum í deildinni.

Valur er fyrir leikinn í 5. sæti deildarinnar með 25 stig, þremur stigum frá Stjörnunni sem er í 3. sæti sem gefur þátttökurétt í Evrópudeild UEFA.

ÍBV er fallið, eru í neðsta sæti deildarinnar með 6 stig. Þeir hafa aðeins unnið einn leik í sumar.

Góðan daginn og verið velkomin í beina textalýsingu frá viðureign ÍBV og Vals í 19. umferð Pepsi Max-deildar karla.

Leikurinn hefst klukkan 16:00 á Hásteinsvelli í Vestmannaeyjum.