Kópavogsvöllur
laugardagur 21. ágúst 2021  kl. 18:00
Pepsi Max-deild karla
Aðstæður: Það er rigning á höfuðborgarsvæðinu en logn og ellefu gráðu hiti.
Dómari: Vilhjálmur Alvar Þórarinsson
Áhorfendur: 695
Maður leiksins: Gísli Eyjólfsson
Breiðablik 2 - 0 KA
1-0 Gísli Eyjólfsson ('19)
2-0 Viktor Karl Einarsson ('73)
Myndir: Fótbolti.net - Hafliði Breiðfjörð
Byrjunarlið:
1. Anton Ari Einarsson (m)
4. Damir Muminovic
6. Alexander Helgi Sigurðarson ('88)
7. Höskuldur Gunnlaugsson (f)
8. Viktor Karl Einarsson
10. Árni Vilhjálmsson
11. Gísli Eyjólfsson
14. Jason Daði Svanþórsson ('67)
20. Kristinn Steindórsson
21. Viktor Örn Margeirsson
25. Davíð Ingvarsson

Varamenn:
12. Brynjar Atli Bragason (m)
3. Oliver Sigurjónsson ('88)
17. Tómas Bjarki Jónsson
18. Finnur Orri Margeirsson
19. Sölvi Snær Guðbjargarson
24. Davíð Örn Atlason
30. Andri Rafn Yeoman ('67)

Liðstjórn:
Gunnleifur Gunnleifsson
Hildur Kristín Sveinsdóttir
Marinó Önundarson
Óskar Hrafn Þorvaldsson (Þ)
Halldór Árnason (Þ)
Alex Tristan Gunnþórsson

Gul spjöld:
Viktor Örn Margeirsson ('71)
Alexander Helgi Sigurðarson ('85)
Andri Rafn Yeoman ('93)

Rauð spjöld:
@saebjornth Sæbjörn Þór Þórbergsson Steinke
95. mín Leik lokið!
Breiðablik vinnur 2-0 sigur!
Eyða Breyta
94. mín
KA menn rangstæðir í aukaspyrnunni. Þessu er að ljúka!
Eyða Breyta
93. mín Gult spjald: Andri Rafn Yeoman (Breiðablik)
KA á aukaspyrnu á vallarhelmingi Blika.
Eyða Breyta
91. mín
Gísli Eyjólfs í hörkufæri en skotið fer framhjá.
Eyða Breyta
91. mín
Fjórum mínútum bætt við.
Eyða Breyta
90. mín
Jakob Snær með skot eða fyrirgjöf sem fer af varnarmanni og afturfyrir. KA menn fá hins vegar ekki horn.
Eyða Breyta
89. mín
Ef ég heyrði rétt í kallkerfinu þá eru 695 á Kópavogsvelli í dag.
Eyða Breyta
88. mín Oliver Sigurjónsson (Breiðablik) Alexander Helgi Sigurðarson (Breiðablik)

Eyða Breyta
85. mín
Grímsi með skotið í markmannshornið og Anton ver boltann til hliðar. Höskuldur svo fyrstur á lausa boltann.
Eyða Breyta
85. mín Gult spjald: Alexander Helgi Sigurðarson (Breiðablik)

Eyða Breyta
84. mín
Akkúrat þá vinnur KA boltann og Alexander Helgi brýtur á Sveini við vítateig Breiðabliks. KA þarf mark núna.
Eyða Breyta
84. mín
Lítið gerst síðustu mínútur. Blikar halda í boltann og ef KA menn ná til hans tapast hann strax aftur.
Eyða Breyta
78. mín Jakob Snær Árnason (KA) Ásgeir Sigurgeirsson (KA)

Eyða Breyta
78. mín Andri Fannar Stefánsson (KA) Rodrigo Gomes Mateo (KA)

Eyða Breyta
78. mín
KA gefur allt í sóknarleikinn þegar boltinn vinnst og það getur skilið eftir pláss fyrir Blika til að nýta.
Eyða Breyta
75. mín
Viktor Karl reyndi að finna Árna í vítateig KA en sendingin var lesin af Ívari.
Eyða Breyta
73. mín MARK! Viktor Karl Einarsson (Breiðablik), Stoðsending: Gísli Eyjólfsson
Gísli vinnur boltann á vallarhelmingi KA og brunar að vítateig gestanna.

Gísli leggur boltann á Viktor Karl sem á skot úr teignum með hægri fæti í hægra markhornið og Blikar eru komnir í 2-0!!!
Eyða Breyta
72. mín Gult spjald: Sveinn Margeir Hauksson (KA)
Brýtur á Alexander Helga.
Eyða Breyta
71. mín Gult spjald: Viktor Örn Margeirsson (Breiðablik)
Gult fyrir leiktöf.

Viktor verður í banni gegn KA á miðvikudaginn!
Eyða Breyta
70. mín
Sveinn Margeir reynir skot fyrir utan teig en Viktor Örn er fyrir og kemur í veg fyrir að skotið komist á markið.
Eyða Breyta
69. mín
Nökkvi missir boltann klaufalega út af og Blikar í stúkunni fagna. Arnar hvetur sinn mann áfram.
Eyða Breyta
67. mín Gult spjald: Sebastiaan Brebels (KA)
Fyrir brot á Gísla.
Eyða Breyta
67. mín Andri Rafn Yeoman (Breiðablik) Jason Daði Svanþórsson (Breiðablik)
Fyrsta skipting Blika.
Eyða Breyta
65. mín
Höggi fær boltann hægra megin, kemur sér fyrir framan miðjan teiginn og lætur vaða með vinstri en skotið fer framhjá.
Eyða Breyta
64. mín
Mikkel Qvist skallar hornspyrnuna í burtu og KA byggir upp sókn.
Eyða Breyta
63. mín
Davíð Ingvars fær boltann úti vinstra megin og leggur hann á Kidda.

Kiddi Steindórs í virkilega góðu færi en skotið hans er laust og Stubbur ver það í horn.
Eyða Breyta
62. mín Sveinn Margeir Hauksson (KA) Elfar Árni Aðalsteinsson (KA)
Ásgeir fer upp á topp, Nökkvi út á hægra kantinn og Sveinn á miðjuna.
Eyða Breyta
62. mín Nökkvi Þeyr Þórisson (KA) Bjarni Aðalsteinsson (KA)

Eyða Breyta
61. mín
Árni með tilraun eftir að hann rann í vítateig KA, skotið fer framhjá.
Eyða Breyta
60. mín
Snögg sókn hjá KA upp hægra megin, Brebels sendir á Gundelach sem kemur með boltann fyrir og Ásgeir reynir skot í fyrsta á lofti en það fer hátt yfir.
Eyða Breyta
59. mín
KA menn eru allt annað en sáttir. Rodri liggur eftir og heldur um andlitið á sér, Alexander Helgi lenti á honum en það var aldrei brot.

Blikar sóttu upp völlinn og Gísli átti skot úr teignum en það var laust og Stubbur með það í teskaið.
Eyða Breyta
57. mín
Höskuldur með tilþrif úti vinstra megin eftir hornið en Viktor Örn nær ekki að skjóta á markið.
Eyða Breyta
56. mín
Árni vinnur einvígi við Ívar Örn og skilur Ívar eftir á miðjum vellinum.

Árni keyrir að teignum og reynir að finna Kidda í gegn en Rodri nær að hreinsa í horn.
Eyða Breyta
55. mín
Elfar Árni reynir fyrirgjöf en Alexander Helgi nær að hreinsa.
Eyða Breyta
53. mín
Grímsi í fínu færi inn á teignum en setur boltann framhjá.

Fékk boltann frá Gundelach en skýtur framhjá. Þorri átti hlaup fyrir Grímsa sem mér sýndist Grímsi vera að pirra sig út í.
Eyða Breyta
52. mín
Vá. Þetta var hættulegt!

Stubbur reynir að finna Brebels sem þarf að hlaupa á móti boltanum. Alexander Helgi pressar á Brebels. Alexander á skot sem fer í stöngina og Stubbur heldur svo boltanum!
Eyða Breyta
51. mín
Kiddi í fínasta færi en Ívar Örn hendir sér fyrir skotið inn á teignum.
Eyða Breyta
46. mín
Seinni hálfleikur er farinn af stað!

Engar breytingar sjáanlegar.
Eyða Breyta
45. mín Hálfleikur
Blikar leiða 1-0 í hálfleik.

KA menn eru alls ekki ánægðir með að hafa ekki fengið víti áðan þegar Ásgeir fór niður í teignum.
Eyða Breyta
45. mín
KA á hornspyrnu. Skammt eftir af fyrri hálfleik.

Viktor Örn skallar fyrirgjöf Grímsa í burtu og Mikkel brýtur svo af sér.
Eyða Breyta
45. mín

Eyða Breyta
45. mín

Eyða Breyta
45. mín
45+1

Þremur mínútum bætt við þennan fyrri hálfleik.
Eyða Breyta
45. mín
Kiddi í góðri stöðu við vítateig KA en KA menn komast inn í sendinguna frá sóknarmanninum og sókninn rennur út í sandinn.
Eyða Breyta
43. mín
Breiðablik á hornspyrnu.

Árni með skalla í öxlina á sér og framhjá eftir fyrirgjöf frá Höskuldi. Viktor Örn féll við í teignum en það var ekkert athugavert við það.
Eyða Breyta
42. mín
Árni??? Horfðu á Stubbinn í markinu...

Árni kemst í mjög gott færi eftir hræðilega sendingu frá Mikkel sem Viktor Karl kemst inn í. Árni skýtur í fyrsta og skotið beint á Stubbinn sem skildi eftir opið í nærhorninu.
Eyða Breyta
41. mín
Höskuldur með fyrirgjöf en Ívar Örn skallar boltann í burtu.
Eyða Breyta
40. mín
Ásgeir þarf á aðhlyningu að halda en kemur svo aftur inn á.
Eyða Breyta
39. mín
KA MENN VILJA VÍTI!!!

Ásgeir stígur út Alexander Helga og fer svo niður í teignm. Ekkert dæmt og Brebels á skot augnabliki síðar sem Anton Ari ver.
Eyða Breyta
36. mín
Dauðafæri hjá Ásgeiri!!!

Bjarni með flotta sendingu í gegn og Ásgeir í kapphlaupi við Davíð Ingvars.

Ásgeir ákveður að taka skot með tánni sem fer beint á Antona Ara og svo á hann tilraun með vinstri sem fer ekki á markið.
Eyða Breyta
35. mín
Höskuldur með skot fyrir utan teig með vinstri sem Steinþór ver og heldur. Fín tilraun.
Eyða Breyta
33. mín
Grímsi fær aukaspyrnu á vallarhelmingi Breiðabliks.
Eyða Breyta
30. mín
Davíð Ingvars með hörku bremsubúnað þarna og skildi Ásgeir eftir. Davíð kemur með boltann fyrir en hann fer af höndinni af Gísla og afturfyrir. KA á markspyrnu.
Eyða Breyta
29. mín
Ívar Örn fær að koma aftur inn á og leikurinn heldur áfram.
Eyða Breyta
28. mín
Vilhjálmur ræddi við þá Viktor Karl og Elfar Árna sem voru í einhverju rifrildi.
Eyða Breyta
27. mín
ÚFFFFFF!!!

Ívar Örn og Anton Ari lenda saman og liggja eftir. Ívar nýbúinn að fá gult fyrir að fara af krafti í Gísla. Blikar vilja rautt. Anton kýlir boltann frá og fær svo Ívar í sig, Ívar fær aðhlynningu.
Eyða Breyta
27. mín
KA á aukaspyrnu úti á vinstri kantinum. Grímsi tekur.
Eyða Breyta
26. mín
Viktor Örn með hörkuskalla sem Stubbur í markinu ver mjög vel! Stubbur handsamar svo boltann skömmu síðar.
Eyða Breyta
25. mín Gult spjald: Ívar Örn Árnason (KA)
Braut á Gísla.

Blikar eiga núna hornspyrnu.
Eyða Breyta
24. mín
Blikar eiga aukaspyrnu úti á hægri kantinum. Mikkel brýtur á Jasoni og heimamenn vilja fá spjald á Danann.

Höskuldur með boltann inn á teiginn en KA menn ná að hreinsa eftir tilraun frá Árna Vill í varnarmann.
Eyða Breyta
22. mín
Grímsi með lausan skalla og boltinn hrekkur af Damir til Antons Ara sem handsamar boltann. Einhver köll um sendingu til baka frá gestunum.
Eyða Breyta
20. mín

Eyða Breyta
19. mín MARK! Gísli Eyjólfsson (Breiðablik), Stoðsending: Kristinn Steindórsson
GÍSLI!!! Sláin inn! Geggjað mark.

Gísli fékk boltann fyrir utan teig, tók frábæran sprett inn á teiginn og lúðraði boltanum í slána og inn.

Ódýrt assist en Kiddi átti síðustu sendingu á Gísla fyrir einstaklingsframtakið.
Eyða Breyta
19. mín
Jason Daði fær boltann inn á teignum og leggur boltann út á Árna en Mikkel er fyrir og bjargar!! Þessi var á leiðinni inn.
Eyða Breyta
18. mín
Kiddi reynir að finna Gísla í hlaupinu inn á teignum en sendinginn fyrir aftan Gísla og Mikkel hreinsar. Elfar Árni svo dæmdur brotlegur þegar hann reyndi að vinna einvígi við Viktor Örn eftir langa sendingu.
Eyða Breyta
17. mín
Blikar eru mun meira með boltann og eru líklegra liðið en KA hefur sýnt að liðið er öflugt á breikinu.
Eyða Breyta
16. mín
Gísli fer auðveldlega framhjá Gundelach sem hékk aðeins í honum. Gísli kemst inn á teiginn og á skot en Rodri nær að koma sér fyrir.

Blikar eiga horn. Mikkel skallar í burtu og Davíð Ingvars lúðrað að marki en skotið frá Davíð fer yfir mark KA.
Eyða Breyta
15. mín
Grímsi með boltann fyrir en Viktor Örn skallar frá. Brebels á svo skot sem fer hátt hátt yfir.
Eyða Breyta
14. mín
Snörp skyndisókn hjá KA og Gundelach fær boltann inn á teignum. Hann reynir fyrirgjöf sem fer af Davíð Ingvars og KA á hornspyrnu.
Eyða Breyta
12. mín
Gísli þræðir boltanum inn á Kidda sem reynir fyrirgjöf en Ívar Örn kemur sér fyrir og Blikar fá hornspyrnu.

Höskuldur með spyrnuna en hún fer beint afturfyrir.
Eyða Breyta
10. mín
Árni kemur inn á aftur eftir um tvær mínútur utan vallar.
Eyða Breyta
9. mín
Davíð Ingvars í álitlegri stöðu úti vinstra megin en kom með fyrirgjöf sem var of innarlega og fór í útspark.
Eyða Breyta
8. mín
Árni situr í teig KA og heldur um höfuð sér. Hann þarf á aðhlynningu að halda. Það fossblæðir úr nefinu á honum.

Hann og Ívar Örn fóru upp í skallabolta áðan og Ívar hefur farið eitthvað í Árna.
Eyða Breyta
7. mín
Kiddi með skot úr teignum eftir sendingu frá Árna en Ívar Örn hendir sér fyrir og blokkar þetta skot.
Eyða Breyta
4. mín
Fín sókn hjá KA sem endar með skoti frá Grímsa sem Anton Ari ver og heldur. Anton Ari ætlar sér svo að vera snöggur að koma boltanum fram og þrumar í Bjarna Aðalsteins en þetta sleppur allt.
Eyða Breyta
3. mín
Lið KA:
Steinþór
Gundelach - Ívar Örn - Mikkel - Þorri
Rodri
Brebels - Bjarni
Ásgeir - Elfar - Grímsi
Eyða Breyta
2. mín
Höskuldur kemur með fyrirgjöfina og Kiddi kemst í boltann og skallar en skallinn fer til hliðar og svo rennur sókn Blika út í sandinn.
Eyða Breyta
2. mín
Breiðablik fær fyrstu hornspyrnu leiksins.
Eyða Breyta
1. mín
Lið Breiðabliks:
Anton Ari
Höskuldur - Damir - Viktor Örn - Davíð
Alexander
Jason Daði - Viktor Karl - Kiddi - Gísli
Árni
Eyða Breyta
1. mín Leikur hafinn
Breiðablik byrjar með boltann og sækir í átt að Sporthúsinu.
Eyða Breyta
Fyrir leik
Liðin ganga inn á völlinn. Breiðablik spilar í grænum treyjum og hvítum stuttbuxum. KA spilar í gulum treyjum og bláum stuttbuxum.
Eyða Breyta
Fyrir leik
Vilhjálmur Alvar Þórarinsson dæmir leikinn og honum til aðstoðar eru þeir Bryngeir Valdimarsson og Gylfi Már Sigurðsson.

Jóhann Gunnar Guðmundsson er varadómari og Þórarinn Dúi Gunnarsson er eftirlitsmaður KSÍ.
Eyða Breyta
Fyrir leik
KA menn, stuðningsmenn, eru í sóttvarnarhólfi: Gamla stúkan. Ekkert þak og þeir verða vel vökvaðir af úrkomunni.
Eyða Breyta
Fyrir leik
Elfar Árni ræðir málin við Blika fyrir leik. Hann auðvitað lék með Breiðabliki á árum áður.
Eyða Breyta
Fyrir leik
Það er rigning á höfuðborgarsvæðinu en logn og ellefu gráðu hiti.
Eyða Breyta
Fyrir leik
Byrjunarliðin hafa verið opinberuð:

Óskar Hrafn Þorvaldsson, þjálfari Breiðabliks, gerir engar breytingar frá síðasta leik gegn ÍA sem Blikar unnu 2-1. Markvörðurinn Brynjar Atli kemur aftur á bekkinn eftir að hafa verið fjarverandi í síðasta leik.

Arnar Grétarsson, þjálfari KA, gerir eina breytingu frá síðasta leik gegn Stjörnunni sem KA vann 2-1. Dusan Brkovic tekur út leikbann og Ívar Örn Árnason kemur inn í liðið.
Eyða Breyta
Fyrir leik
Valtarinn spáir heimasigri
Valtýr Björn Valtýsson er spámaður umferðarinnar. Hann spáir 3-1 sigri Breiðabliks í dag.

Blikar leika að mínu mati skemmtilegasta fótboltann í ár. Óstöðvandi lið þegar þeir hitta á sinn besta leik. Ég held að þessi leikur reynist Arnari vini mínum og hans mönnum í KA afar erfiður og blikar taka þetta svona 3-1. Gísli Eyjólfs setur að að minnsta kosti eitt mark og ætli Höskuldur setji ekki eitt mark.
Eyða Breyta
Fyrir leik
Dusan missir af báðum leikjunum

Dusan Brkovic, miðvörður KA, missir af báðum leikjunum þar sem hann fékk sitt annað rauða spjald í sumar í síðasta leik. Það verður fróðlegt að sjá hvernig KA leysir hans fjarveru.
Eyða Breyta
Fyrir leik
Leikurinn átti að hefjast klukkan 16:15:
en vegna bilunnar í flugvélinni sem KA átti flug með þurfti að fresta leiknum til 18:00.
Eyða Breyta
Fyrir leik
Liðin mætast tvisvar í röð:
Leikurinn í kvöld er fyrri leikur liðanna því þau mætast aftur á miðvikudaginn.

Sá leikur er frestaður leikur frá því snemma á tímabilinu þegar leikmenn þessara liða voru fjarverandi vegna landsliðsverkefnis.
Eyða Breyta
Fyrir leik
Góðan daginn lesendur góðir og veriði velkomnir í beina textalýsingu frá leik Breiðabliks og KA. Liðin eru í 3. og 4. sæti Pepsi Max-deildarinnar fyrir 18. umferðina sem hófst í dag.

Breiðablik er með 32 stig í 3. sæti og KA er með 30 stig.
Eyða Breyta
Byrjunarlið:
13. Steinþór Már Auðunsson (m)
4. Rodrigo Gomes Mateo ('78)
5. Ívar Örn Árnason
8. Sebastiaan Brebels
9. Elfar Árni Aðalsteinsson ('62)
10. Hallgrímur Mar Steingrímsson
11. Ásgeir Sigurgeirsson (f) ('78)
20. Mikkel Qvist
26. Mark Gundelach
27. Þorri Mar Þórisson
77. Bjarni Aðalsteinsson ('62)

Varamenn:
1. Ívar Arnbro Þórhallsson (m)
14. Andri Fannar Stefánsson ('78)
21. Nökkvi Þeyr Þórisson ('62)
29. Jakob Snær Árnason ('78)
30. Sveinn Margeir Hauksson ('62)
31. Kári Gautason
32. Þorvaldur Daði Jónsson

Liðstjórn:
Petar Ivancic
Hallgrímur Jónasson
Jens Ingvarsson
Branislav Radakovic
Arnar Grétarsson (Þ)
Steingrímur Örn Eiðsson

Gul spjöld:
Ívar Örn Árnason ('25)
Sebastiaan Brebels ('67)
Sveinn Margeir Hauksson ('72)

Rauð spjöld: