Liðin ganga út á völlinn í fylgd Helga Ólafssonar, dómara leiksins.

Rúmlega korter í að leikurinn byrji og leikmenn skokka inn í klefa.

Áhorfendur hægt og rólega að streyma í stúkuna og allt að verða klárt!

Byrjunarliðin eru klár!

Meiðslavandræði hjá nýliðunum og vantar mikilvæga leikmenn eins og Guðrúnu Elísabetu, Rögnu Guðrúnu og Taylor.

Hulda Mýrdal hjá Heimavellinum spáði í fyrstu umferð Bestu deildarinnar og hún heldur að þessi leikur fari svona:

Afturelding 1 - 2 Selfoss
Það verður hátíð í Mosó á fyrsta heimaleik liðsins eftir frábært tímabil í Lengjudeildinni í fyrra. Þetta verður stuðleikur umferðarinnar. Guðrún Elísabet kemur Aftureldingu yfir eftir snarruglaða sendingu frá Rögnu Guðrúnu. Sif Atla ætlar ekki að fara tapa sínum fyrsta leik hér á landi. Hún öskrar markahæsta leikmann síðustu leiktíðar í gang og Brenna Lovera setur 2. Selfoss vinnur dramatískan 2-1 sigur

Hægt er að skoða alla spána hér

Afturelding tekur á móti Selfossi á Malbikstöðinni að Varmá pic.twitter.com/05onpikxMd

— Besta deildin (@bestadeildin) April 27, 2022

Fótbolti.net spáir Aftureldingu 7. sætinu og Selfossi 3. sæti í Bestu deildinni í sumar.

Hér getið þið skoðað spána betur:

Smelltu hér fyrir Aftureldingu

Smelltu hér fyrir Selfoss

Fyrri viðureignir

Félögin hafa ekki mæst í opinberum leik síðan 2016 en þá gerðu liðin jafntefli í Faxaflóamótinu.

Sumarið 2015 mættust félögin tvisvar í efstu deild og sigraði Selfoss báða leikina. 2-0 í fyrri umferðinni og 3-1 í seinni.

Breytingar á leikmannahópi Selfoss

Björn Sigurbjörnsson tók við af Alfreð Elíasi Jóhannssyni og verður Bára Kristbjörg Rúnarsdóttir honum til aðstoðar. Björn var áður í Kristianstad í Svíþjóð þar sem hann var aðstoðarmaður Elísabetar Gunnarsdóttur.

Komnar:
Ásta Sól Stefánsdóttir frá Haukum
Íris Una Þórðardóttir frá Fylki
Katla María Þórðardóttir frá Fylki
Miranda Nild frá Bandaríkjunum
Sif Atladóttir frá Svíþjóð
Tiffany Sornpao frá Keflavík
Barbára Sól Gísladóttir frá Bröndby Danmörku (úr láni)
Birta Sigurborg Úlfarsdóttir frá KFR
Karen Rós Torfadóttir frá Sindra

Farnar:
Anna María Bergþórsdóttir í Fjölni
Benedicte Haland til Ítalíu
Caity Heap
Emma Kay Checker til Ástralíu
Hólmfríður Magnúsdóttir hætt


Landsliðskonan Sif Atladóttir er mætt í íslenska boltann eftir að hafa leikið undanfarin tíu ár með Kristianstad í Svíþjóð.

Breytingar á leikmannahópi Aftureldingar

Komn­ar:
Birna Krist­ín Björns­dótt­ir frá Breiðabliki (á láni)
Dennis Chyanne frá Banda­ríkj­un­um
Þór­hild­ur Þór­halls­dótt­ir frá Breiðabliki
Eyrún Vala Harðardótt­ir frá Augna­bliki (á láni)
Halla Mar­grét Hinriks­dótt­ir frá Stjörn­unni (úr láni)
Halla Þór­dís Svans­dótt­ir frá Fram (úr láni)
Hild­ur Karítas Gunn­ars­dótt­ir frá Hauk­um
Ísa­fold Þór­halls­dótt­ir frá Breiðabliki
Krist­ín Gyða Davíðsdótt­ir frá Fram
Sigrún Eva Sig­urðardótt­ir frá ÍA

Farn­ar:
Anna Kolbrún Ólafsdóttir í Fjölni
Hajar Tahri til Marokkó
Indy Isabelle Spaan til Ítalíu
Oliviu Sheppard
Rachel Van Netten til Hollands
Sofie Dall Henriksen hætt

Það eru margir spenntir að sjá Guðrúnu Elísabetu spila í Bestu deildinni en hún fór á kostum í Lengjunni síðasta sumar og gat ekki hætt að skora.

Hún var lang markahæst í Lengjudeildinni með 23 mörk í 17 leikjum!

Selfoss endaði síðasta tímabil um miðja deild eða í 5. sætinu.

Brenna Lovera var öflug fyrir framan markið og skoraði 13 mörk í 16 leikjum og var markahæst í deildinni.

Afturelding hafnaði í 2. sæti í Lengjudeildinni á síðasta tímabili og tryggði sér sæti í deild þeirra bestu eftir 4-0 heimasigur á FH í hreinum úrslitaleik.

Afturelding hefur ekki leikið í efstu deild síðan árið 2015.

Stemningin í Mosó var rosaleg og það verður gaman að sjá hvort partýið haldi ekki áfram.

Góða kvöldið og verið velkomin til leiks!

1. umferð Bestu deildar kvenna heldur áfram að rúlla og hér á Malbikstöðinni að Varmá taka nýliðar Aftureldingar á móti Selfyssingum.

Leikar hefjast kl. 19:15