| fös 22.apr 2022 17:45 Mynd: Fótbolti.net - Hafliði Breiðfjörð |
|
Spá Fótbolta.net fyrir Bestu kvenna: 7. sæti
Keppni í Bestu kvenna hefst 26. apríl. Fótbolti.net mun næstu daga opinbera spá fyrir deildina í sumar. Liðin verða kynnt eitt af öðru.
Þjálfarinn (Alexander) og fyrirliðinn (Sesselja)
Guðrún Elísabet
Eva Ýr
Bjarki Már
Hildur er komin í Mosfellsbæinn
1. ?
2. ?
3. ?
4 ?
5 ?
6. ?
7. Afturelding
8. ÍBV
9. KR
10. Keflavík
7. sæti Afturelding (nýliði)
Lokastaða í fyrra: 2. sætið í Lengjudeildinni, næstbesta sóknin og besta vörnin í þeirri deild. Liðið er komið upp í efstu deild í fyrsta sinn frá fallinu 2015.
Þjálfarinn: Alexander Aron Davorsson tók við eftir tímabilið 2019 eftir að hafa verið aðstoðarþjálfari það tímabil. Bjarki Már Sverrisson er einnig aðalþjálfari og Ruth Þórðar Þórðardóttir er þeim Alla og Bjarka til aðstoðar.
Álit Eiðs
Eiður Ben Eiríksson er sérfræðingur Fótbolta.net í Bestu kvenna en hann var síðustu ár annar af þjálfurum Vals. Hér er álit Eiðs á liði Aftureldingar.
„Liðið úr Mosó ætlar sér ekki bara að vera með í ár, þær ætla sér að vera berjast í efri hluta deildarinnar. Ég tek hatt minn ofan fyrir þeim, það eru fá lið sem koma inn í deildina með þessum krafti. Metnaðarfullt þjálfarateymi og umgjörðin tip top.
Fyrir hönd Mosfellinga vona ég bara að stemningin súrni ekki, þrátt fyrir að mikið sé búið að leggja í hlutina, tempó á æfingum og jákvæð spilamennska í vetur, þá þarf liðið að átta sig á því að það að tryggja veru liðsins í deildinni er það sem skiptir öllu máli. Liðið er einnig búið að taka miklum breytingum milli ára og það getur alltaf tekið tíma, sérstaklega í deildinni fyrir ofan."
Þurfa að brosa í gegnum mótlætið
„Stuðningurinn þarf að vera sá sami og í fyrra og Alexander þarf að vera brosandi í gegnum mótlætið. Liðið gæti hæglega barist í efri hlutanum ef þær fá fljúgandi start inní mótið, ná upp sterkri liðsheild frá fyrsta degi, það er lítið mál að hafa góða liðsheild þegar sigrarnir koma en hvernig er hún þegar tvö þrjú töp líta dagsins ljós?
Liðið sem mætir til leiks er sterkt, blanda af öflugum íslenskum leikmönnum og spennandi útlendingum. Það má þó ekki gleymast að enginn leikmaður liðsins hefur virkilega sannað sig sem góður efstu deildar leikmaður og ættu markmið einstakra leikmanna að vera nokkuð skýr."
Lykilmenn: Guðrún Elísabet Björgvinsdóttir, Eva Ýr Helgadóttir og Taylor Lynne Bennett
Gaman að fylgjast með: Hildur Karítas Gunnarsdóttir hefur undanfarin ár spilað með Haukum og staðið sig vel þar. Þetta er leikmaður sem allir hafa vitað af og vonandi springur hún út í sumar.
Komnar:
Dennis Chyanne frá Bandaríkjunum
Eyrún Vala Harðardóttir frá Breiðabliki á láni
Hildur Karítas Gunnarsdóttir frá Haukum
Ísafold Þórhallsdóttir frá Breiðabliki
Sigrún Eva Sigurðardóttir frá ÍA
Þórhildur Þórhallsdóttir frá Breiðabliki
Halla Margrét Hinriksdóttir frá Stjörnunni (var á láni)
Halla Þórdís Svansdóttir frá Fram (var á láni)
Farnar:
Anna Kolbrún Ólafsdóttir í Fjölni
Hajar Tahri til Marokkó
Indy Isabelle Spaan til Ítalíu
Oliviu Sheppard
Rachel Van Netten til Hollands
Sofie Dall Henriksen hætt
Athugasemdir
