Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Í BEINNI
Úrslitaleikur Lengjubikars kvenna
Valur
55' 2
1
Breiðablik
Leiknir R.
1
0
Valur
Zean Dalügge '19
Birgir Baldvinsson '81 1-0
11.09.2022  -  14:00
Domusnovavöllurinn
Besta-deild karla - 21. umferð
Dómari: Helgi Mikael Jónasson
Áhorfendur: 377
Maður leiksins: Viktor Freyr Sigurðsson (Leiknir)
Byrjunarlið:
1. Viktor Freyr Sigurðsson (m)
4. Bjarki Aðalsteinsson (f)
5. Daði Bærings Halldórsson (f)
7. Adam Örn Arnarson ('34)
15. Birgir Baldvinsson
17. Gyrðir Hrafn Guðbrandsson
18. Emil Berger
20. Hjalti Sigurðsson ('83)
28. Zean Dalügge
30. Davíð Júlían Jónsson ('83)
80. Mikkel Jakobsen ('70)

Varamenn:
9. Róbert Hauksson ('70)
10. Kristófer Konráðsson ('34)
21. Shkelzen Veseli
24. Loftur Páll Eiríksson ('83)
45. Róbert Quental Árnason
88. Sindri Björnsson ('83)

Liðsstjórn:
Vigfús Arnar Jósepsson (Þ)
Sigurður Heiðar Höskuldsson (Þ)
Valur Gunnarsson
Gísli Friðrik Hauksson
Davíð Örn Aðalsteinsson
Halldór Geir Heiðarsson
Atli Jónasson

Gul spjöld:
Birgir Baldvinsson ('52)

Rauð spjöld:
Zean Dalügge ('19)
Leik lokið!
Leiknum er lokið með 1 - 0 heimsigri Leiknis sem við það er komið úr botnsæti deildarinnnar, skilur ÍA eftir þar. Næsti leikur er svo ÍA - Leiknir, það verður risa leikur.
93. mín
Valur er ekki að ná að skapa sér neitt. Er Leiknir að taka þrjú gríðarlega stór stig í fallbaráttunni?
91. mín
Fredric Schram markvörður Vals tók tvær sóknir í röð í vítateignum hinum megin á vellinum. Það skilaði sér ekki í neinu.
91. mín
Þremur mínútum er bætt við leiktímann.
90. mín
Svona er mark Leiknis í myndum Hauks Gunnarssonar.

90. mín
Ágúst Eðvald með skot með grasinu sem Viktor ver.
88. mín
Birkir Heimis með skot að marki Leiknis en Arnór Smárason liðsfélagi hans var fyrir boltanum og setti hann aftur fyrir endamörk.
84. mín
Ágúst Eðvald með fast skot sem fór í varnarmann og þaðan útaf, sleikti stöngina utanverða. Hornspyrna sem Valur fær.
83. mín
Inn:Loftur Páll Eiríksson (Leiknir R.) Út:Davíð Júlían Jónsson (Leiknir R.)
83. mín
Inn:Sindri Björnsson (Leiknir R.) Út:Hjalti Sigurðsson (Leiknir R.)
81. mín MARK!
Birgir Baldvinsson (Leiknir R.)
Stoðsending: Davíð Júlían Jónsson
Valsmenn áttu þetta bara skilið. Þó þeir liggi hreinlega á Leiknismönnum og reyni að hnoðast inn í gegnum vörn þeiirra er ekkert spennandi í gangi. Nú er þeim refsað grimmilega en eftir góða sókn barst boltinn á Birgi sem skaut á fjær. Gott mark og þeir komnir yfir.
81. mín
Arnór Smárason með skot sem Viktor varði.
77. mín
Patrick tók snúning á vítateigslínunni og skaut að marki en rétt framhjá.
75. mín
Birkir Heimis í góðu færi en skaut yfir markið.
74. mín
Það eru 377 áhorfendur í Breiðholtinu í dag. Hér er mynd frá Hauki af því þegar Frederic Schram ver áðan.
73. mín
Patrick skorar eftir að hafa fylgt eftir skoti Petry en dæmdur rangstæður.
72. mín
Inn:Rasmus Christiansen (Valur) Út:Orri Hrafn Kjartansson (Valur)
70. mín
Inn:Róbert Hauksson (Leiknir R.) Út:Mikkel Jakobsen (Leiknir R.)
Róbert kom inná þegar Leiknir átti horn og engu munaði að hann næði til boltans upp úr horninu en þá hefði hann líka skorað úr fyrstu snertingu. Í staðinn rann boltinn út af vellinum.
69. mín
Birgir Baldvins með fast skot sem Frederic varði vel í horn.
69. mín
Ágúst Eðvald með skot beint í fangið á Viktori Frey. Þetta er ekki merkilegur fótbolti sem er spilaður í Breiðholtinu í dag.
67. mín
Siggi Lár með skot beint í fangið á Viktori Frey.
66. mín
Mikkel Jacoben með fast skot en beint á Frederik Schram.
64. mín

62. mín
Ágúst Eðvald með skot úr þröngu færi vel yfir markið.
59. mín
Inn:Arnór Smárason (Valur) Út:Heiðar Ægisson (Valur)
58. mín
Birkir Heimis með skot að marki sem Viktor grípur.
57. mín
Siggi Lár með skot vel yfir markið frá vinstri hluta teigsins.
55. mín Gult spjald: Heiðar Ægisson (Valur)
Braut á Davíð Júlían sem var í skyndisókn á miðjum velli og fær verðskuldaða áminningu.
54. mín
Valur er farið að sækja meira og tvær hættulegar sendingar hafa ratað í teiginn frá Ágústi Eðvaldi. Núna hreinsuðu Leiknismenn í horn.
54. mín
Viktor ver vel skalla Patrick Pedersen af stuttu færi og í kjölfarið hreinsa Leiknismenn í innkast. Þarna skall hurð nærri hælum.
52. mín Gult spjald: Birgir Baldvinsson (Leiknir R.)
Brot á miðjum velli.
52. mín
Valur er í nauðvörn allt í einu. Leiknir sækir meira og Hólmar var að hreinsa í horn.
47. mín
Leikur stöðvaður og Davíð Júlían látinn taka af sér hálsmenið. Hann fer með það til Leiknisljónanna í stúkunni og leikur heldur áfram.
46. mín
Seinni hálfleikur er hafinn. Engin breyting er gerð á liðunum í hálfleik.
45. mín
Hálfleikur
45+4 Helgi Mikael flautar til hálfleiks í Breiðholti og enn hefur ekki verið skorað mark. Hápunktur leiksins er rauða spjaldið sem Zean Dalugge fékk að líta fyrir glórulausa tæklingu. Hér má sjá mynd Hauks Gunnarssonar af því þegar spjaldið fer á loft.
45. mín
45+2 Kristófer með skot hátt yfir mark Vals. Annars er bara ekkert markvert að gerast í þessum leik. Valur spilar fyrir framan vörn Leiknis og finnur engar leiðir í gegnum þétta vörnina.
45. mín
Fjórum mínútum bætt við venjulegan leiktíam.
38. mín Gult spjald: Ágúst Eðvald Hlynsson (Valur)
Ágúst Eðvald missti boltann og fór í Hjalta Sigurðsson og braut á honum. Hann fær áminningu fyrir brotið en þurfti að fá aðhlynningu því hann meiddist nokkuð við brotið. Hann virðist þó geta haldið leik áfram.
37. mín
Leiknir er með nánast allt liðið í vítateignum að reyna að verjast áköfum Valsmönnum. Hættuleg færi eru samt af skornum skammti.
34. mín
Inn:Kristófer Konráðsson (Leiknir R.) Út:Adam Örn Arnarson (Leiknir R.)
33. mín
Eftir aðhlynningu sjúkraþjálara er ljóst að Adam er meiddur aftan í læri og þarf að fara af velli.
32. mín
Adam Örn liggur meiddur á vellinum. Spurning hvort það sé skipting í vændum.
28. mín
Ágúst Eðvald með skot að marki Leiknis en himinhátt yfir.
26. mín
Valur liggur á Leiknismönnum og reynir að spila sig í gegnum vörnina. Það gengur hægt ennþá þó þeir séu orðnir manni fleiri.
19. mín Rautt spjald: Zean Dalügge (Leiknir R.)
Fór með takkana í lærið á Sigga Lár út við hliðarlínu. Algjör óþarfa tækling og Dalugge bað hreinlega um að fá rautt spjald með því að vaða í þessa ljótu tæklingu.
17. mín
Patrick var að reyna að byggja upp sókn en dúndraði boltanum í Helga Mikael í miðjuhringnum. Valur hélt sókninni áfram og fékk aukaspyrnu fyrir utan teig en Lasse Petry vippaði boltanum í fangið á Viktori markmanni Leiknis. Mjög slök spyrna.
14. mín
Patrick í góðu færi í teignum eftir undirbúning Heiðars en náði ekki að koma boltanum á markið. Leiknir hreinsaði í horn.
8. mín
Heiðar Ægisson í dauðafæri eftir góða stungusendingu frá Patrick Pedersen en skaut langt framhjá. Þarna var illa farið með gott færi. Heiðar spilar sem hægri kantmaður hjá Val í dag.
5. mín
Þetta fer rólega af stað. Leiknir hefur fengið eina hornspyrnu sem ekkert kom út úr en annars ekkert frá að segja.
1. mín
Leikurinn er hafinn. Leiknir í sínum hefðbundnu keppnisbúningum en Valur er í alhvítum varabúningum. Leiknir byrjar með boltann og sækir í átt að Unufellsblokkinni.
Fyrir leik
Þórir Þórisson vallarþulur spilar núna In the Ghetto með Elvis Presley á meðan liðin ganga til vallar. Stutt í fjörið hérna í Breiðholti. Blíðan er svo mikil í Breiðholtinu að Pétur Guðmundsson skiltadómari er í stutterma dómaratreyju en engu utanyfir. Hann segir að það sé svo stutt í sólina í Breiðholti.
Fyrir leik
Sigurður Heiðar Höskuldsson þjálfari Leiknis gerir tvær breytingar á liðinu sínu frá 9 - 0 tapinu gegn Víkingi í vikunni. Hjalti Sigurðsson og Daníel Júlían Jónsson koma inn fyrir Róbert Quental og Kristófer Konráðsson.

Valur tapaði 1 - 0 fyrir Breiðabliki í síðasta leik og Ólafur Jóhannesson þjálfari liðsins gerir þrjár breytingar frá þeim leik. Heiðar Ægisson, Lasse Petry og Patrick Pedersen koma inn fyrir þá Hauk Pál Sigurðsson, Aron Jóhannsson og Arnór Smárason.
Fyrir leik
Þrír leikmenn Vals verða í banni vegna uppsafnaðra áminningar. Aron Jóhannsson og Haukur Páll Sigurðsson hafa safnað sjö gulum spjöldum og Sebastian Hedlund fjórum.
Fyrir leik
Sverrir Mar Smárason spáir í 21. umferð Bestu deildarinnar fyrir Fótbolta.net.

Leiknir R. 0 - 1 Valur
Leiknismenn mættu með öðruvísi gameplan í Víkina í vikunni. Nú mæta þeir þéttir og klárir í baráttuna, þeir þurfa stigin. Valsmenn taka þó sigurinn og það er eitthvað sem segir mér að Arnór Smára skori sigurmarkið, fagni með því að taka vögguna. Veit ekki alveg hvað það er en það er einhver tilfinning sem ég hef.
Fyrir leik
Helgi Mikael Jónasson dæmir leikinn í dag og hann er með þá Egil Guðvarð Guðlaugsson og Berg Daða Ágústsson sér til aðstoðar á línunum. Pétur Guðmundsson er skiltadómari.

KSÍ sendir svo Einar Örn Daníelsson til að hafa eftirlit með störfum dómara og umgjörð leiksins.
Helgi Mikael dæmir leikinn í dag.
Fyrir leik
Í síðasta leik beið Leiknir afhroð gegn liði Víkings á miðvikudaginn og tapaði 9 - 0 á útivelli.

Síðasti leikur Vals var gegn Breiðabliki síðasta sunnudag en þann leik unnu Blikar 1 - 0.
Fyrir leik
Þetta er 21. umferð sem er leikinn í dag og næst síðasti leikur deildarinnar áður en hún mun skiptast upp í efri og neðri hluta.

Leiknir er í botnsætinu með 14 stig en aðeins tveimur stigum frá FH sem er í öruggu sæti og einu stigi frá ÍA í næst neðsta sæti. Það er ljóst að sigur í dag myndi lyfta Leikni úr botnsætinu því FH og ÍA mætast innbyrðis.

Valur er í 4. sætinu með 32 stig en 16 stigum frá toppliði Breiðabliks.
Fyrir leik
Góðan daginn og verið velkomin í beina textalýsingu frá leik Leiknis og Vals í Bestu-deild karla.

Leikurinn hefst klukkan 14:00 á Domusnovavellinum í Breiðholti.
Byrjunarlið:
1. Frederik Schram (m)
2. Birkir Már Sævarsson
3. Jesper Juelsgård
4. Heiðar Ægisson ('59)
5. Birkir Heimisson
9. Patrick Pedersen
11. Sigurður Egill Lárusson
15. Hólmar Örn Eyjólfsson (f)
18. Lasse Petry
19. Orri Hrafn Kjartansson ('72)
22. Ágúst Eðvald Hlynsson

Varamenn:
25. Sveinn Sigurður Jóhannesson (m)
8. Arnór Smárason ('59)
13. Rasmus Christiansen ('72)
21. Sverrir Þór Kristinsson
23. Arnór Ingi Kristinsson
33. Hilmar Starri Hilmarsson
77. Ólafur Flóki Stephensen

Liðsstjórn:
Ólafur Jóhannesson (Þ)
Kjartan Sturluson
Halldór Eyþórsson
Einar Óli Þorvarðarson
Haraldur Árni Hróðmarsson
Örn Erlingsson
Helgi Sigurðsson

Gul spjöld:
Ágúst Eðvald Hlynsson ('38)
Heiðar Ægisson ('55)

Rauð spjöld: