Suður-Kórea
1
0
Ísland
Minkyu Song '33 1-0
11.11.2022  -  11:00
Hwaseong Stadium
Vináttulandsleikur
Dómari: Jumpei Iida
Byrjunarlið:
1. Seunggyu Kim (m)
5. Wooyoung Jung
8. Seungho Paik ('46)
9. Guesung Cho ('72)
14. Chul Hong ('72)
16. Jonggyu Yoon ('60)
17. Minkyu Song
19. Younggwon Kim
20. Kyungwon Kwon
22. Changhoon Kwon ('46)
25. Jisu Park ('45)

Varamenn:
12. Sungyun Gu (m)
21. Hyenwoo Jo (m)
27. Bumkeun Song (m)
2. Sangmin Lee
4. Yumin Cho ('45)
6. Seung-Beom Ko
7. Sangho Na ('46)
10. Jingyu Kim
11. Wonsang Um
13. Junho Son ('46)
15. Moonhwan Kim ('72)
18. Hyeongyu Oh ('72)
23. Taehwan Kim ('60)
24. Minguy Pak
26. Hyunjun Yang

Liðsstjórn:
Paulo Bento (Þ)

Gul spjöld:
Junho Son ('71)

Rauð spjöld:
Leik lokið!
1-0 sigur heimamanna staðreynd. Sanngjörn niðurstaða en nokkrir góðir kaflar hjá íslenska liðinu.
93. mín
Ísak Snær dæmdur brotlegur, þetta er að fjara út.
92. mín
Höskuldur reynir fyrirgjöf en hún er ekki nægilega góð.

Jónatan svo með fyrirgjöf sem er ekki heldur nægilega góð.
91. mín
Hendi dæmd á Daníel í fínni stöðu við vítateig heimamanna. Dagur Dan ekki sáttur við þennan dóm.
91. mín
Þremur mínútum bætt við.
90. mín
Daníel í færi!

Júlíus með fyrirgjöfina, finnur Daníel inn á teignum sem á skalla af talsvert löngu færi og fer boltinn rétt yfir mark heimamanna.
88. mín
Sangho Na í skotfæri inn á íslenska teignum, reynir skot en það fer í Höskuld sýnist mér.
85. mín
Dagur Dan með aukaspyrnuna inn á teig heimamanna, Damir er einn utarlega í teignum og reynir að koma með boltann fyrir en sendingin fyrir yfir allan pakkann.
85. mín
Ísland spilar lokamínúturnar manni fleiri. Heimamenn búnir með skiptinguna og Wooyoung Jung getur ekki klárað leikinn.
84. mín
Inn:Daníel Hafsteinsson (Ísland) Út:Viktor Örlygur Andrason (Ísland)
Fyrsti A-landsleikur Daníels!

Viktor eitthvað aðeins að kveinka sér og var tekinn af velli.

82. mín
Sangho Na reynir að finna Hyeongyu Oh, boltinn aðeins of innarlega og Oh rétt missir af honum í hörkufæri. Íslendingar stálheppnir.
80. mín
Heimamenn eiga hornspyrnu.

Damir nær að koma boltanum í innkast eftir smá darraðadans.
79. mín Gult spjald: Júlíus Magnússon (Ísland)
Braut á Junho Son. Steig ofan á ristina á honum.
76. mín Gult spjald: Dagur Dan Þórhallsson (Ísland)
Of seinn, fór hátt með takkana og í Wooyoung Jung.
76. mín
Minkyu Song í fínu færi en hittir boltann einhvern veginn með hnakkanum.
74. mín

Jason kominn inn á
73. mín
Inn:Jason Daði Svanþórsson (Ísland) Út:Danijel Dejan Djuric (Ísland)
Þreföld breyting. Danijel átti fínasta fyrsta landsleik!
73. mín
Inn:Dagur Dan Þórhallsson (Ísland) Út:Viktor Karl Einarsson (Ísland)
73. mín
Inn:Logi Tómasson (Ísland) Út:Hörður Ingi Gunnarsson (Ísland)
72. mín
Inn:Hyeongyu Oh (Suður-Kórea) Út:Chul Hong (Suður-Kórea)
72. mín
Inn:Moonhwan Kim (Suður-Kórea) Út:Guesung Cho (Suður-Kórea)
71. mín Gult spjald: Junho Son (Suður-Kórea)
Braut á Viktori Örlygi og uppsker gult spjald.
70. mín
Guesung með þrumuskot sem fer yfir. Flaggið fer svo á loft.
68. mín
Danijel með fyrirgjöf úr aukaspyrnu inn á teig heimamanna en þeir ná að hreinsa.
66. mín
Fyrirgjöf frá hægri sem Guesung kemst í en hann skallar framhjá íslenska markinu.
64. mín
Hörður með langt innkast inn á teiginn, boltinn berst á Danijel sem nær ekki að taka við honum, föst hreinsun sem erfitt var að taka við.
63. mín
Vel gert Damir og Ísak
Damir með langan bolta upp völlinn sem Ísak Snær nær að taka með sér í hlaupið. Ísak reynir að finna Danijel Djuric inn á teignum en heimamenn ná að koma boltanum í innkast.
63. mín
Heimamenn dæmdir brotlegir í hornspyrnunni.
62. mín
Inn:Ísak Snær Þorvaldsson (Ísland) Út:Óttar Magnús Karlsson (Ísland)
62. mín
Inn:Jónatan Ingi Jónsson (Ísland) Út:Bjarki Steinn Bjarkason (Ísland)
61. mín
Markaskorarinn Minkyu Song með þrumuskot sem fer í Viktor Örlyg og af honum aftur fyrir. Hörku færi.
60. mín
Inn:Taehwan Kim (Suður-Kórea) Út:Jonggyu Yoon (Suður-Kórea)
58. mín
Fínn varnarleikur hjá Róberti Orra, les sendingu, vinnur boltann og fær aukaspyrnu.
54. mín
Fínasta hornspyrna sem Kwon Kyungwon skallar yfir markið af nærstönginni.
54. mín
Heimamenn vinna hornspyrnu.
51. mín
Aukaspyrna heimamanna af hægri kantinum sem Frederik kemur út í en nær ekki að grípa. Íslenska liðið nær svo að hreinsa.

49. mín
Lagleg tilþrif hjá Sangho Na, fer illa með Viktor Örlyg og svo kot sem Höskuldur kemst fyrir og svo er brotið á Óttari Magnúsi.
46. mín
Inn:Junho Son (Suður-Kórea) Út:Changhoon Kwon (Suður-Kórea)
46. mín
Inn:Sangho Na (Suður-Kórea) Út:Seungho Paik (Suður-Kórea)
46. mín
Seinni hálfleikur hafinn

Heimamenn gerðu tvöfalda breytingu í hálfleik. Sangho Na og Junho Son komu inn. Sá ekki hverjir fóru af velli.
45. mín
Hálfleikur
45+2

Hálfleikur. Heimamenn leiða með einu marki í hléi.
45. mín
45+1

Einni mínútu bætt við fyrri hálfleikinn. Damir kveinkar sér eitthvað aðeins en heldur að sjálfsögðu leik áfram, þarf eitthvað mikið meira til að Damir fari af velli vegna meiðsla.
45. mín
Inn:Yumin Cho (Suður-Kórea) Út:Jisu Park (Suður-Kórea)
44. mín
Góð sókn
Virkilega fín sókn hjá íslenska liðinu sem endar með skoti frá Óttari Magnúsi úr teignum.

Höskuldur fann Bjarka Stein í hlaupinu upp hægri kantinn, Bjarki sendi boltann út í teiginn þar sem Óttar var klár í að láta vaða, þurfti aðeins að teygja sig í boltann og skotið fór hátt yfir.
43. mín
Danijel Djuric vinnur aukaspyrnu. Hún er tekin stutt og Ísland er áfram með boltann. Fínn kafli núna. Heimamenn ennþá einum færri.
42. mín
Jung Wooyoung með skot fyrir utan teig sem fer framhjá íslenska markinu. Lítil hætta.
41. mín
Óttar Magnús í dauðafæri!
Eftir innkastið kemur Viktor Örlygur með flotta fyrirgjöf inn á miðjan teiginn.

Þar er Óttar Magnús einn og óvaldaður en hittir ekki boltann með höfðinu.
40. mín
Róbert Orri tekur aukaspyrnuna, Damir vinnur fyrsta bolta en skallinn frá honum fer út fyrir teiginn. Viktor Örlygur vinnur svo innkast.
39. mín
Jisu Park þarf að fara af velli vegna meiðsla. Borinn af velli.

Ísland á aukaspyrnu.
37. mín
Cho er að reynast okkur erfiður. Nær núna skallanum eftir góða fyrirgjöf frá vinstri. Skallinn er fastur en fer yfir íslenska markið.
33. mín MARK!
Minkyu Song (Suður-Kórea)
Stoðsending: Guesung Cho
Guesung Cho fær boltann inn á teignum hægra megin, sýnir mikla yfirvegun og kemur boltanum yfir Höskuld, á Song, sem skorar með skalla í nærhornið. Laglega gert hjá heimamönnum.
31. mín
Heimamenn fá hornspyrnu.

Jisu Park nær skalla en hann skallar framhjá fjærstönginni, ekki mikil hætta.
29. mín
Fannst ég heyra einhvern kalla á Höskuld að hreinlega skjóta úr horninu, margir inn á markteignum. Boltinn kemur inn á markteiginn og Kim í markinu þarf að kýla boltann í burtu.
29. mín
Damir með langa sendingu, Viktor Örlygur vinnur seinni boltann og er í fínni stöðu en Jisu Park kemur boltanum aftur fyrir. Ísland á hornspyrnu. Höskuldur tekur.
27. mín
Guesung Cho reynir skot fyrir utan íslenska teiginn en Frederik Schram sér við honum, skotið nokkuð beint á Frederik sem ver boltann út í teiginn. Damir hreinsaði svo í innkast.
26. mín
Spyrnan frá Höskuldi ekki galin, en aðeins of há og fer yfir allan pakkann.
25. mín
Danijel Djuric vinnur aukaspyrnu úti á vinstri kantinum. Góð fyrirgjafarstaða. Höskuldur ætlar að taka.
24. mín
Flott spil hjá heimamönnum og Guesung nálægt því að sleppa í gegn. Róbert Orri stígur hann út og Guesung er dæmdur brotlegur. Vel varist.
23. mín
Mikil hætta, heimamenn að sleppa í gegn en Hörður Ingi kemur boltanum aftur fyrir og heimamenn eiga hornspyrnu, vel gert Hörður!

Þeir eru svo dæmdir brotlegir þegar hornspyrnan er tekin og Ísland á aukaspyrnu inn á eigin vítateig.
21. mín
Júlíus Magnússon aðeins að kveinka sér en heldur leik áfram.
21. mín
Hörku fyrirgjöf frá vinstri sem Chong Changhoon rétt missir af. Frederik Schram er fyrstur á boltann og handsamar hann.
20. mín
Sóknarþungi heimamanna aðeins að aukast síðustu mínútur.
19. mín
Hong í mjög góðu færi örlítið vinstra megin í íslenska teignum. Hann hittir boltann illa og skotið fer hátt yfir íslenska markið.
18. mín
Paik með þrumuskot fyrir utan íslenska teiginn en Júlíus kemst fyrir.
16. mín
Heimamenn fá fyrstu hornspyrnu leiksins og fá fínt færi upp úr henni.

Skot úr teignum frá hinum örvfætta Jung sem fer í Höskuld og þaðan í Frederik og hættan líður hjá í kjölfarið.
13. mín
Heimamenn aðeins að missa boltann frá sér síðustu mínútur.
13. mín
Danijel með aðra tilraun, núna fyrir utan teig, en miðvörður heimamanna kemst fyrir.
12. mín
Danijel Djuric í ágætis færi vinstra megin í teignum. Júlíus með boltann inn fyrir og Danijel kemur skotinu á markið. Kim ver og heldur boltanum.
10. mín
Afskaplega rólegt í upphafi leiks. Heimamenn mikið meira með boltann og sköpuðu eina færi leiksins til þessa, annars ekkert ógnað.
9. mín
Róbert Orri með langa sendingu inn fyrir vörn heimamanna en Kim í markinu er mættur út fyrir teig og hreinsar.
7. mín
Brotið á Danijel Djuric á vinstri kantinum. Ísland á aukaspyrnu sem tekin er stutt.
3. mín
Minkyu Song í fínu færi eftir fyrirgjöf frá vinstri. Tilraunin fór framhjá fjærstönginni.
1. mín
Leikur hafinn
Heimamenn byrja með boltann.
Fyrir leik
Ísland spilar í hvítum búningum og Suður-Kórea er í rauðu.
Fyrir leik
Búið að spila þjóðsöngvana. Styttist í þetta!
Fyrir leik
Svona held ég að uppstillingin sé:
Fyrir leik
34 sæti milli liðanna á heimslista
Suður-Kórea er í 28. sæti á heimslista FIFA. Íslenska liðið er í 62. sæti.

Eins og fram hefur komið er ekki um alþjóðlegan leikdag að ræða og er enginn í íslenska hópnum í dag sem verður í komandi verkefni liðsins í Eystrasaltsbikarnum. Eins og Arnar sagði í viðtali í gær þá vantar á bilinu 5-7 leikmenn í suður-kóreska liðið svo það sé með sína allra sterkustu menn. Þeir spila með félagsliðum í Evrópu þar sem spilað er um helgina.
Fyrir leik
Mættum þeim í janúar - Mjög gott pressulið
Ísland hefur einu sinni áður mætt Suður-Kóreu í A landsliðum karla, en það var einmitt í janúar á þessu ári þegar liðin mættust í vináttuleik í Tyrklandi, þar sem Suður-Kórea vann 5-1 sigur. Sveinn Aron Guðjohnsen skoraði mark Íslands í leiknum. Fimm leikmenn sem eru í íslenska hópnum í leiknum á föstudag léku einnig í janúar. Hákon Rafn Valdimarsson stóð á milli stanganna í sínum fyrsta leik í byrjunarliði A karla og varði vítaspyrnu. Aðrir leikmenn í þeim leik sem eru í hópnum nú eru þeir Höskuldur Gunnlaugsson, Damir Muminovic, Viktor Karl Einarsson og Viktor Örlygur Andrason.

Landsliðsþjálfarinn var til viðtals í gær og ræddi andstæðinga Íslands.

,,Við búumst við mjög erfiðum leik. Við vitum að hópurinn sem þeir eru að vinna með núna er að mestu leyti skipaður leikmönnum sem er að fara á HM. Það vantar kannski 5-7 leikmenn sem eru að spila núna í stærstu deildum Evrópu. Þeir eru með feykisterkt lið, eins og við fengum að kynnast í janúar. Við búumst við leik á móti liði sem er mjög vel drillað, gott pressulið."

,,Þeirra DNA er þannig að þeir eru rosalega duglegir og fljótir að setja pressu. Að mínu mati er þetta eitt af tíu bestu pressuliðum í heiminum í dag."

,,Við viljum læra af leiknum í janúar, bæta okkur. Margir leikmenn sem voru með okkur þá eru með okkur núna. Þetta er mjög gott tækifæri til að sjá hvort við höfum bætt okkur á þessum mánuðum. Leikmennirnir okkar eru í betra standi heldur en þeir voru í janúar."


Eins og hefur komið fram eru sjö breytingar á íslenska liðinu frá leiknum gegn Sádum.

,,Það voru valdir 23 leikmenn í þetta verkefni og við reynum að láta sem flesta leikmenn fá sem flestar mínútur. Það er hluti af þessu líka. Þær breytingar eru byggðar á því að lið Suður-Kóreu er sterkara en síðasti andstæðingur. Við munum kannski vera aðeins varnarsinnaðri og með aðeins fleiri leikmenn sem við teljum að séu með aðeins betri hlaupagetu í þessum varnarhlutverkum," sagði Arnar.

Heung-min Son er einn af þeim sem eru að spila í Evrópu um þessar mundir

Sveinn Aron skoraði mark Íslands í janúar
Fyrir leik
Níu tímum á undan
Það er mikill tímamismunur á Íslandi og Suður-Kóreu. Leikurinn hefst klukakn 20:00 á staðartíma. Það munar níu klukustunum á Íslandi og Suður-Kóreu.

Landsliðsþjálfarinn var spurður út í hvort hann héldi að ferðalagið og tímamismunurinn myndi setja mark á íslenska liðið að einhverju leyti.

,,Við vonum ekki, við vitum að þetta getur verið strembið. Það er níu klukkutíma mismunur á Íslandi. Við tókum þetta stopp í Abú Dabí og vonumst til þess að við höfum haft nógan tíma til þess að aðlagast að aðstæðum."

,,Það má svosem aldrei verða nein afsökun. Þetta er bara hluti af þessu landsliðsumhverfi og þegar við erum að fara í stóra leiki eða stór verkefni getur það verið í öðrum heimsálfum."


Fyrir leik
Dómaratríó frá Japan
Dómaratríóið er frá Japan, Jumpei Iida er með flautuna og þeir Takumi Takagi og Yosuke Takebe eru aðstoðardómarar. Fjórði dómari er frá Hyunjai Choi er frá Suður-Kóreu og svo eru VAR dómarar frá Japan.
Fyrir leik
Byrjunarliðið hefur verið opinberað!
Arnar Þór Viðarsson gerir sjö breytingar á sínu liði frá leiknum gegn Sádí-Arabíu á sunnudag. Einungis Damir Muminovic, Höskuldur Gunnlaugsson, Róbert Orri Þorkelsson og Óttar Magnús Karlsson halda sæti sínu í liðinu.

Inn koma þeir Frederik Schram, Júlíus Magnússon, Viktor Örlygur Andrason, Viktor Karl Einarsson, Bjarki Steinn Bjarkason og Danijel Dejan Djuric. Danijel leikur sinn fyrsta landsleik. Höskuldur Gunnlaugsson er fyrirliði liðsins þar sem Aron Einar Gunnarsson er ekki í leikmannahópi liðsins.
Fyrirliðinn Höskuldur Gunnlaugsson.
Fyrir leik
Hópurinn:
Þetta er seinni leikur liðsins í þessu landsliðsverkefni. Um vináttulandsleik utan alþjóðlegs landsleikjaglugga er að ræða og eru því flestir í liðinu að spila í Bestu deildinni.

Fyrri leikurinn var gegn Sádí-Arabíu og endaði hann með 1-0 sigri Sáda á sunnudag. Sá leikur fór fram í Abú Dabí.

*
Frederik Schram (m) - Valur - 5 leikir
Hákon Rafn Valdimarsson (m) - IF Elfsborg - 2 leikir
Sindri Kristinn Ólafsson (m) - Keflavík
Viktor Örn Margeirsson - Breiðablik
Róbert Orri Þorkelsson - CF Montreal
Damir Muminovic - Breiðablik - 2 leikir
Júlíus Magnússon - Víkingur, 1 leikur
Rúnar Þór Sigurgeirsson - Keflavík - 1 leikur
Logi Tómasson - Víkingur R.
Hörður Ingi Gunnarsson - Sogndal IL - 1 leikur
Höskuldur Gunnlaugsson - Breiðablik - 5 leikir
Ísak Snær Þorvaldsson - Breiðablik
Dagur Dan Þórhallsson - Breiðablik
Viktor Karl Einarsson - Breiðablik - 2 leikir
Daníel Hafsteinsson - KA
Viktor Örlygur Andrason - Víkingur R. - 2 leikir
Aron Einar Gunnarsson - Al Arabi - 99 leikir, 2 mörk
Bjarki Steinn Bjarkason - Venezia FC
Valdimar Þór Ingimundarson - Sogndal IL - 1 leikur
Jónatan Ingi Jónsson - Sogndal IL
Jason Daði Svanþórsson - Breiðablik - 1 leikur
Danijel Dejan Djuric - Víkingur R.
Óttar Magnús Karlsson - Oakland Roots - 9 leikir, 2 mörk

*Leikjafjöldi miðar við fyrir leikinn gegn Sádum.
Fyrir leik
Góðan daginn lesendur góðir og veriði velkomnir í beina textalýsingu frá vináttulandsleik Íslands og Suður-Kóreu. Leikurinn fer fram í Seúl, nánar tiltekið á Hwaseong leikvanginum.

Stuðst verður við beina útsendingu frá Viaplay í þessari lýsingu.

Byrjunarlið:
1. Frederik Schram (m)
2. Hörður Ingi Gunnarsson ('73)
6. Damir Muminovic
7. Höskuldur Gunnlaugsson
8. Viktor Karl Einarsson ('73)
8. Viktor Örlygur Andrason ('84)
9. Óttar Magnús Karlsson ('62)
11. Bjarki Steinn Bjarkason ('62)
14. Róbert Orri Þorkelsson
16. Júlíus Magnússon
19. Danijel Dejan Djuric ('73)

Varamenn:
12. Sindri Kristinn Ólafsson (m)
12. Hákon Rafn Valdimarsson (m)
3. Logi Tómasson ('73)
10. Valdimar Þór Ingimundarson
11. Jason Daði Svanþórsson ('73)
15. Dagur Dan Þórhallsson ('73)
15. Daníel Hafsteinsson ('84)
18. Jónatan Ingi Jónsson ('62)
18. Ísak Snær Þorvaldsson ('62)
20. Rúnar Þór Sigurgeirsson
21. Viktor Örn Margeirsson

Liðsstjórn:
Arnar Þór Viðarsson (Þ)
Jóhannes Karl Guðjónsson

Gul spjöld:
Dagur Dan Þórhallsson ('76)
Júlíus Magnússon ('79)

Rauð spjöld: