Barcelona og Real Madrid vilja Bernardo Silva - Gravenberch til Tyrklands? - Mikill áhugi á Nacho
Lettland
8
9
Ísland
Raimonds Krollis '27
0-1 Ísak Bergmann Jóhannesson '62 , víti
Andrejs Ciganiks '67 1-1
1-2 Ísak Bergmann Jóhannesson '90 , víti
Janis Ikaunieks '90 , víti 2-2
2-3 Sveinn Aron Guðjohnsen '90 , víti
Arturs Zjuzins '90 , víti 3-3
3-4 Þórir Jóhann Helgason '90 , víti
Davis Ikaunieks '90 , víti 4-4
4-5 Arnór Sigurðsson '90 , víti
Alvis Jaunzems '90 , víti 5-5
5-6 Stefán Teitur Þórðarson '90 , víti
Elvis Stuglis '90 , víti 6-6
6-7 Aron Elís Þrándarson '90 , víti
Vladislavs Sorokins '90 , víti 7-7
7-8 Mikael Egill Ellertsson '90 , víti
Andrejs Ciganiks '90 , víti 8-8
8-9 Daníel Leó Grétarsson '90 , víti
Antonijs Cernomordijs (f) '90 , misnotað víti 8-9
19.11.2022  -  14:00
Daugava leikvangurinn
Eystrasaltsbikarinn - Úrslit
Aðstæður: Kalt - þriggja gráðu frost og frost í vellinum.
Dómari: Joonas Jaanovits (Eistland)
Byrjunarlið:
1. Pavels Steinbors (m)
2. Vladislavs Sorokins
4. Daniels Balodis
5. Antonijs Cernomordijs (f)
8. Eduards Emsis ('88)
10. Janis Ikaunieks
13. Raivis Jurkovskis ('80)
14. Andrejs Ciganiks
16. Alvis Jaunzems
17. Arturs Zjuzins
19. Raimonds Krollis

Varamenn:
12. Nils Toms Purins (m)
23. Rihards Matrevics (m)
3. Ilja Korotkovs
6. Elvis Stuglis ('88)
7. Emils Birka
9. Davis Ikaunieks ('80)
15. Maksims Tonisevs
18. Igors Tarasovs
21. Renars Varslavans
22. Aleksejs Saveljevs
24. Ivo Minkevics

Liðsstjórn:
Dainis Kazakevics (Þ)

Gul spjöld:
Eduards Emsis ('81)
Janis Ikaunieks ('82)
Arturs Zjuzins ('87)

Rauð spjöld:
Raimonds Krollis ('27)
Leik lokið!
Ísland er Eystrasaltsmeistari 2022!

Alls ekki frábær frammistaða, aðstæður auðvitað erfiðar en íslenska liðið þarf að nýta sínar sóknir miklu betur í undankeppninni í mars.
90. mín Misnotað víti!
Antonijs Cernomordijs (f) (Lettland)
PATRIK VER!!!!
90. mín Mark úr víti!
Daníel Leó Grétarsson (Ísland)
Mjög öruggt.
90. mín Mark úr víti!
Andrejs Ciganiks (Lettland)
Patrik beið eftir skotinu, spyrnan frá Ciganiks of föst.
90. mín Mark úr víti!
Mikael Egill Ellertsson (Ísland)
Virkilega vel tekið hjá Mikael, út í bláhornið.

7-6!
90. mín Mark úr víti!
Vladislavs Sorokins (Lettland)
Ojjjj, Patrik nálægt því að verja þetta. Hrikalegt víti.
90. mín Mark úr víti!
Aron Elís Þrándarson (Ísland)
Mjög gott víti hjá Aroni, rennir boltanum í vinstra hornið þegar Steinbors fór í hitt.
90. mín Mark úr víti!
Elvis Stuglis (Lettland)
Þessi söng í netinu...
90. mín Mark úr víti!
Stefán Teitur Þórðarson (Ísland)
Stöngin inn! Ísland komið yfir í bráðabana.
90. mín Mark úr víti!
Alvis Jaunzems (Lettland)
Patrik fer aftur í rétt horn en nær ekki að verja.
90. mín Mark úr víti!
Arnór Sigurðsson (Ísland)
Frábært víti, fast og Steinbors átti ekki möguleika.
90. mín Mark úr víti!
Davis Ikaunieks (Lettland)
Davis jafnar, föst spyrna sem Patrik nær ekki að verja.
90. mín Mark úr víti!
Þórir Jóhann Helgason (Ísland)
3-2.

Þórir Jóhann öruggur.
90. mín Mark úr víti!
Arturs Zjuzins (Lettland)
Öruggur á punktinum.
90. mín Mark úr víti!
Sveinn Aron Guðjohnsen (Ísland)
Föst spyrna. Ísland aftur komið yfir.
90. mín Mark úr víti!
Janis Ikaunieks (Lettland)
Snyrtilegt, laumaði boltanum lágt á mitt markið.
90. mín Mark úr víti!
Ísak Bergmann Jóhannesson (Ísland)
Ísland byrjar, Ísak fyrstur á punktinn.

Mitt á markið, öruggt. Ísland tekur forystu.
90. mín
1-1 jafntefli, vítaspyrnukeppni niðurstaðan.
90. mín
92
Þórir Jóhann með skot í utanverða stöngina á lokasekúndunum!!
90. mín
91
Tveimur mínútum bætt við.
90. mín
Lokamínútan. Alls ekki víst að það verði einhverju bætt við. Stefnum í vítaspyrnukeppni.
88. mín
Inn:Elvis Stuglis (Lettland) Út:Eduards Emsis (Lettland)
Elvis kemur inn, á að sigla Lettum í vítaspyrnukeppni.
87. mín Gult spjald: Arturs Zjuzins (Lettland)
86. mín
Spyrnan tekin stutt, boltinn fyrir og Aron Elís á skalla, Steinbors nær að henda sér á boltann og handsama hann.
85. mín
Davíð Kristján með fyrirgjöf sem hreinsuð er aftur fyrir. Ísland á horn.
85. mín
Boltinn fellur fyrir Ísak Bergmann á vítateigslínunni, Ísak reynir utanfótar skot með vinstri en það fer beint á Steinbors í markinu.
82. mín Gult spjald: Janis Ikaunieks (Lettland)
Aftur gult, alltof seinn í Daníel Leó.
81. mín Gult spjald: Eduards Emsis (Lettland)
Alltof seinn í Davíð og fær verðskuldað gult spjald.
80. mín
Inn:Davis Ikaunieks (Lettland) Út:Raivis Jurkovskis (Lettland)
77. mín Gult spjald: Sveinn Aron Guðjohnsen (Ísland)
Dæmdur brotlegur, ósáttur við dóminn og fær gult spjald.
76. mín
Sveinn Aron
Sveinn Aron með skallan í slána og yfir eftir hornspyrnu Ísaks. Boltinn vill ekki inn hjá Sveini!
75. mín
Inn:Þórir Jóhann Helgason (Ísland) Út:Hákon Arnar Haraldsson (Ísland)
Tvöföld breyting.
75. mín
Inn:Mikael Egill Ellertsson (Ísland) Út:Mikael Anderson (Ísland)
73. mín Gult spjald: Mikael Anderson (Ísland)
Mokaði löppunum undan Ikaunieks og fær verðskuldað gult spjald.
70. mín
Ísland á hornspyrnu.

Ísak Bergmann með hana en fremsti maður skallar boltann í innkast.
69. mín
Arnór með fína fyrirgjöf en hún fer rétt yfir samherjana inn á teignum.
67. mín MARK!
Andrejs Ciganiks (Lettland)
Heimamenn jafna...

Aron Elís með hrikaleg mistök. Fær boltann frá Patrik, ætlar að senda á Stefán en sendingin er of framarlega og Lettar sækja hratt á íslenska liðið. Flott sending frá Ikaunieks inn á Ciganiks sem klárar vel yfir Patrik.
65. mín
Davíð Kristján með fína fyrirgjöf sem hreinsuð er í innkast. Íslenska liðið heldur pressu á heimamönnum.
64. mín
Alfons með fyrirgjöf sem fyrirliði Letta skallar í burtu.

Stuttu seinna á Daníel flotta sendingu út á Arnór sem á sendingu þvert fyrir markið en boltinn of innarlega fyrir Ísak.
62. mín Mark úr víti!
Ísak Bergmann Jóhannesson (Ísland)
Ísak skorar en það var enginn afgangur!

Vítaspyrnan alls ekki sérstök, hún var þó föst og Steinbors ver boltann inn.

Myndavélin á Arnar Þór Viðarsson og Jóa Kalla á bekknum. Arnar andar léttar og Jói hlær, sennilega mikill léttir að þessi fór inn hjá syninum.

Fyrsta markið í rúmlega 330 leikmínútur hjá Íslandi!
60. mín
ÍSLAND FÆR VÍTI!

Flott spil, Davíð sendir á Mikael sem tók utan á hlaupið, Mikael með góða fyrirgjöf út á Arnór sem á skalla og boltinn í höndina á Jurkovskis.
58. mín
Alfons með fyrirgjöf eftir fínt spil við Ísak Bergmann, boltinn finnur Svein Aron. Sveinn nær ekki að halda boltanum niðri, skallar yfir mark Letta.
56. mín
Skemmtilega gert hjá Ísaki, lét boltann fara og Sveinn Aron hársbreidd að ná skoti á markið úr miðjum teignum. Lettarnir komast í milli.
55. mín
Fín sókn hjá íslenska liðinu. Endar á fyrirgjöf rá Stefáni á Mikael sem nær ekki að skalla boltann fyrir markið. Ísland aftur að setja pressu á heimamenn.
53. mín
Ciganiks með tilraun sem fer framhjá íslenska markinu. Fínn kafli hjá Lettum núna.
50. mín
Jaunzems með skot fyrir utan teig sem Patrik grípur. Fyrsta skotið sem Patrik ver.
49. mín
Ísak Bergmann!

Flott spil úti vinstra megin. Mikael finnur Ísak sem tekur hlaupið inn á teiginn og lætur vaða. Fyrirliði Letta kemst fyrir og kemur í veg fyrir að skotið fari á markið.
47. mín
Fín sókn hjá Íslandi, Ísak með sendingu á Hákon sem pikkar boltanum til hliðar á Arnór. Arnór reyndi að leggja boltann út en sendingin mislukkast. Þarna var möguleiki!
46. mín
Tölfræðin í hálfleik (frá Flashscore).
46. mín
Seinni hálfleikur farinn af stað

Engar breytingar.
45. mín
Hálfleikur
Höfum ekki skorað í þremur og hálfum leik

Síðasta mark Íslands skoraði Mikael Anderson í lok september í uppbótartíma í Albaníu. Síðan hefur liðið spilað þrjá leiki án þess að skora, gegn Sádí-Arabíu, Suður-Kóreu og Litháen.
45. mín
Hálfleikur
45. mín
Hálfleikur
45. mín
Hálfleikur
Fyrri hálfleik lokið. Leikurinn svolítið kaflaskiptur, íslenska liðið byrjaði betur og endaði betur. Lettar áttu góðan kafla frá svona 10. mínútu og fram að rauða spjaldinu.

Ísland er manni fleiri og liðið hefur verið að banka fastar og fastar. Þetta hlýtur að enda með íslensku marki í seinni hálfleik, strákarnir verða að nýta færin!
42. mín
Mikael í dauðafæri!!

Fyrirgjöf frá Arnóri sem Sveinn Aron fleytir inn á Mikael sem var í hlaupi inn á markteiginn. Mikael er í dauðafæri en Steinbors ver frábærlega! Markmaðurinn gerir sig stóran og æðir út á móti Mikael.
41. mín


Krollis steig á ökklann á Daníel Leó og fékk rautt á 27. mínútu
40. mín
Mikael með fyrirgjöf á fjærstöngina en ekkert hlaup á fjær og boltinn beint aftur fyrir.
38. mín
37. mín
Davíð með fyrirgjöf sem Steinbors handsamar.
32. mín
Þjálfari Letta hrækti af krafti til hliðar, í átt að íslenska boðvangnum eftir að hafa verið að rífa kjaft við Arnar Þór Viðarsson. Þetta var sérstakt.
31. mín
Arnór með hornspyrnuna og smá hætta inn á teig Letta. Íslenska liðið hélt smá pressu en svo komust heimamenn út úr eigin teig.
30. mín
Sveinn Aron með skot fyrir utan teig, fast skot sem Steinbors ver til hliðar.
29. mín
Daníel heldur leik áfram, þurfti smá tíma til að ná sér. Ísland leikur manni fleiri!!

Miðað við þessa línu þarf íslenska liðið að passa sig, og sérstaklega þeir sem eru komnir með spjald!
27. mín Rautt spjald: Raimonds Krollis (Lettland)
Of seinn inn í Daníel Leó, ýtir í bakið á honum og Daníel lendir illa. Hann fær rautt spjald!!!!

Þetta er óvænt!! Beint rautt!! Traðkaði á Daníel, kannski gult en ROSALEGA strangt að dæma rautt.
24. mín
Aftur hætta eftir aukaspyrnu. Krollis í fínu færi en Daníel Leó gerir vel að vera alveg ofan í honum þegar fyrirgjöfin kom.

Íslenska liðið þarf að endurstilla sig aðeins!
24. mín Gult spjald: Davíð Kristján Ólafsson (Ísland)
Síðustu mínútur ekki verið góðar. Aftur fær Ísland gult spjald. Bæði spjöldin mjög ódýr finnst mér.
23. mín
Smá hætta eftir aukaspyrnuna frá Jaunzems. Boltinn inn á fyrirliðann en hann hittir boltann mjög illa.
22. mín Gult spjald: Stefán Teitur Þórðarson (Ísland)

Stefán Teitur orðinn smá pirraður og var rétt í þessu dæmdur brotlegur. Fær gula spjaldið.
17. mín
Smá bras eftir hornið hjá íslenska liðinu að verjast þessari hornspyrnu. Boltinn berst út fyrir teig, Lettar láta vaða og ryena að flikka boltanum í átt að marki en boltinn fer framhjá.
16. mín
Fyrsta álitlega staða Letta í leiknum, Aron Elís vel staðsettur og hreinsar fyrirgjöf í innkast.

Skömmu síðar vinna Lettar hornspyrnu.
15. mín
Skyndisókn hjá Lettum eftir langt innkast frá Stefáni. Íslenska liðið vinnur vel til baka og Hákon stöðvar upphlaupið.
13. mín
Sveinn Aron!!

Arnór með frábæra fyrirgjöf af hægri kantinum, Sveinn Aron stekkur upp, nær til boltans í loftinu og á skalla sem fer í stöngina!!

Sveinn nær aftur til boltans en Steinbors ver þá skottilraun.
11. mín
Hákon með skot með vinstri fæti fyrir utan teig, boltinn á lofti, skotið mislukkað og fer hátt yfir. Kom í kjölfar innkasts frá Stefáni.
9. mín
Stefán Teitur spila fyrir aftan Skagamennina Hákon Arnar og Ísak Bergmann á miðjunni.
8. mín
Fín byrjun hjá íslenska liðinu. Sérstaklega er Mikael að byrja leikinn vel.
6. mín
Ísak í hörkufæri!

Mikael með flotta fyrrigjöf, Hákon klár á fjær en Lettar á undan í boltann. Boltinn hrekkur fyrir Ísak inn á teignum, hann reynir innanfótar skot en Steinbors í markinu er vel á verði og ver.

Ísland fékk svo hornspyrnu sem Steinbors kýlir í burtu.
5. mín
Mikael með skot með vinstri fæti fyrir utan teig, kallað á hann að láta vaða, skotið er laust og í varnarmann.
4. mín
Flottur prettur hjá Mikael á vinstri kantinum, kemur sér inn á teiginn meðfram endalínunni og vinnur hornspyrnu.

Lettar skalla hornspyrnu Arnórs frá. Stefán Teitur tekur nú langt innkast.
1. mín
Leikur hafinn
Lettar byrja!

Náum í bikarinn!
Fyrir leik
Þetta er að fara af stað!
Fyrir leik
Spilað á vellinum þrátt fyrir aðstæður

Í gær var sagt frá því að íslenska liðið hefði ekki klárað æfingu vegna aðstæðna á keppnisvellinum. Skoðað var að spila annars staðar en niðurstaðan var að leikurinn yrði á Daugava leikvanginum.
Fyrir leik
Munar 72 sætum á liðunum
Aðeins um lettneska liðið. Lettland er í 134. sæti á heimslistanum. Þrjár breytingar eru á liðinu frá því í leiknum gegn Eistum. Ísland er í 62. sæti heimslistans.
Fyrir leik
Dómarateymið frá Eistlandi
Joonas Jaanovits er með flautuna og honum til aðstoðar eru þeir Veiko Mötsnik og Sander Saga. Martti Pukk er fjórði dómari.
Joonas fjórði dómari í leik Haugasunds og Sturm Graz í forkeppni Evrópudeildarinnar árið 2019
Fyrir leik
Aron Elís fyrirliði
Aron Elís Þrándarson fær þann heiður að bera fyrirliðabandið í dag.
Fyrir leik
Átta breytingar á byrjunarliðinu!


Landsliðsþjálfarinn Arnar Þór Viðarsson gerir átta breytingar á sínu liði. Þeir Jón Dagur Þorsteinsson og Rúnar Alex Rúnarsson eru ekki í leikmannahópnum í dag, Arnar útskýrði hvers vegna í upphafi vikunnar. Þeir Patrik Sigurður Gunnarsson og Mikael Neville Anderson taka stöðu þeirra í liðinu. Hörður Björgvin Magnússon fékk rautt spjald í undanúrslitunum og er ekki í hópnum í dag.

Einungis Ísak Bergmann Jóhannesson, Davíð Kristján Ólafsson og Hákon Arnar Haraldsson halda sæti sínu í liðinu. Sveinn Aron Guðjohnsen kemur inn í liðið og byrjar sem fremsti maður og þeir Alfons Sampsted, Arnór Sigurðsson, Daníel Leó Grétarsson, Aron Elís Þrándarson og Stefán Teitur Þórðarson koma einnig inn.

Daníel Leó Grétarsson er eini eiginlegi miðvörðurinn í byrjunarliðinu. Líklegt er að Aron Elís Þrándarson spili við hlið hans í dag.
Fyrir leik
Lettar fögnuðu sjálfstæði sínu í gær.


Íslenska landsliðið sá alls konar atriði en einbeitingin er þó öll á leiknum á morgun.

,,Við kíktum aðeins út og sáum tanka, skriðdreka og svona. Gaman að sjá þetta en við erum bara klárir leikinn á morgun og ætlum að vinna," sagði Ísak Bergmann í viðtali í gær.
Fyrir leik

Þetta sagði landsliðsþjálfarinn eftir leikinn geng Litháen: Alls ekki ánægður með okkar leik

,,Ég er alls ekki ánægður með okkar leik í dag, það var margt sem var 'off' hjá okkur. Að sjálfsögðu er ég samt ánægður með að við unnum vítaspyrnukeppnina."

Arnar sagði að Ísland hefði átt að skora í fyrri hálfleik en spilamennska liðsins hefði fjarað út í seinni hálfleik.

,,Við virkuðum orkulausir og mér fannst við ekki sjálfum okkur líkir. Þetta er ákveðin lexía fyrir okkur, við þurfum að mæta til leiks í hvert einasta skipti og við verðum að hlaupa mikið. Við þurfum að verjast vel og vinna einvígi, þetta var ekki til staðar í kvöld. Heilt yfir erum við allir svekktir með okkar frammistöðu."
Fyrir leik

Bæði Rúnar Alex og Jón Dagur byrjuðu á miðvikudag

Tvær breytingar eru á íslenska hópnum frá leiknum gegn Litháen. Þeir Rúnar Alex Rúnarsson og Jón Dagur Þorsteinsson eru ekki með í dag. Landsliðsþjálfarinn útskýrði hvers vegna í upphafi vikunnar.

Sjá einnig:
Stefnt á að vinna mótið - Tveir sem spila bara fyrri leikinn

Íslenski hópurinn*
Patrik Sigurður Gunnarsson - Viking FK - 1 leikur
Elías Rafn Ólafsson - FC Midtjylland - 4 leikir
Alfons Sampsted - Bodo/Glimt - 13 leikir
Hörður Björgvin Magnússon - Panathinaikos - 43 leikir, 2 mörk
Daníel Leó Grétarsson - Slask Wroclaw - 11 leikir
Aron Einar Gunnarsson - Al Arabi - 100 leikir, 2 mörk
Davíð Kristján Ólafsson - Kalmar FF - 9 leikir
Sverrir Ingi Ingason - PAOK - 39 leikir, 3 mörk
Valgeir Lunddal Friðriksson - BK Häcken - 3 leikir
Aron Elís Þrándarson - OB - 15 leikir, 1 mark
Arnór Sigurðsson - IFK Norrköping - 23 leikir, 2 mörk
Stefán Teitur Þórðarson - Silkeborg IF - 13 leikir, 1 mark
Ísak Bergmann Jóhannesson - FC Köbenhavn - 15 leikir, 2 mörk
Þórir Jóhann Helgason - Lecce - 14 leikir, 2 mörk
Hákon Arnar Haraldsson - FC Köbenhavn - 5 leikir
Birkir Bjarnason - Adana Demirspor - 112 leikir, 15 mörk
Mikael Neville Anderson - AGF - 16 leikir, 2 mörk
Mikael Egill Ellertsson - Spezia Calcio - 8 leikir
Jóhann Berg Guðmundsson - Burnley - 81 leikur, 8 mörk
Sveinn Aron Guðjohnsen - IF Elfsborg - 16 leikir, 1 mark
Andri Lucas Guðjohnsen - IFK Norrköping - 11 leikir, 2 mörk

*Leikjafjöldi miðast við upplýsingar fyrir leikinn gegn Litháen.
Bikar í boði!

Fyrir leik

Ísak Bergmann Jóhannesson ræddi við KSÍ TV í gær um leikinn í dag.

,,Ekki oft sem maður fær að spila úrslitaleik með landsliðinu þannig þetta verður mjög gaman. Við ætlum að brosa og reyna að vinna leikinn á morgun.

,,Sama hvaða bikar það er, HM eða Baltic-cup, manni langar að vinna bikara og hvað þá með landsliðinu. Þetta er tækifæri sem verður mjög skemmtilegt."
Fyrir leik
Velkomin til leiks lesendur góðir!

Ísland mætir Lettlandi á Daugava leikvanginum í Riga í dag, laugardag, í úrslitaleik í Eystrasaltsbikarnum. Leikurinn hefst kl. 14:00 að íslenskum tíma og er í beinni útsendingu á RÚV 2.

Íslenska liðið vann Litháen í undanúrslitum á miðvikudag, þurfti til þess vítaspyrnkeppni, á meðan Lettland vann Eistland. Ef jafnt er eftir 90 minútna leik í dag fer fram vítaspyrnukeppni.

Þetta er í fyrsta sinn sem Ísland tekur þátt í þessu æfingamóti, sem hefur verið haldið reglulega frá árinu 1991. Mótið var sett á laggirnar fyrst árið 1928 og var það haldið nánast árlega til ársins 1940, en frá 1940-1991 fór það ekki fram í ljósi hernáms Sovétríkjanna á svæðinu. Ísland er aðeins fimmta gestaþjóðin sem tekur þátt í mótinu, en Finnland hefur tekið tvisvar sinnum þátt.

Lettland hefur unnið keppnina oftast, eða 13 sinnum. Eistland fagnaði sigri í mótinu árið 2021.

Ísland og Lettland hafa mæst 6 sinnum áður í A landsliðum karla. Ísland hefur unnið tvo leiki, Lettland tvo, tvisvar hafa liðin skilið jöfn, og markatalan í leikjunum er jöfn, 11-11.
Byrjunarlið:
12. Patrik Gunnarsson (m)
2. Alfons Sampsted
3. Davíð Kristján Ólafsson
9. Sveinn Aron Guðjohnsen
10. Arnór Sigurðsson
15. Aron Elís Þrándarson
16. Stefán Teitur Þórðarson
17. Daníel Leó Grétarsson
17. Hákon Arnar Haraldsson ('75)
18. Mikael Anderson ('75)
19. Ísak Bergmann Jóhannesson

Varamenn:
13. Elías Rafn Ólafsson (m)
2. Valgeir Lunddal Friðriksson
5. Sverrir Ingi Ingason
7. Jóhann Berg Guðmundsson
8. Birkir Bjarnason
17. Aron Einar Gunnarsson
18. Mikael Egill Ellertsson ('75)
20. Þórir Jóhann Helgason ('75)
22. Andri Lucas Guðjohnsen

Liðsstjórn:
Arnar Þór Viðarsson (Þ)
Jóhannes Karl Guðjónsson

Gul spjöld:
Stefán Teitur Þórðarson ('22)
Davíð Kristján Ólafsson ('24)
Mikael Anderson ('73)
Sveinn Aron Guðjohnsen ('77)

Rauð spjöld: