Kristín Erna utan hóps Kristín Erna er ekki í hóp Eyjakvenna í dag vegna meiðsla. Ragna Sara kom heim frá Bandaríkjunum í gær og fer beint á bekkinn og Marinella Panayiotou byrjar sinn fyrsta leik fyrir ÍBV. Auk þess er Holly O'Neil í leikbanni eftir að hafa fengið rautt spjald í síðasta leik.

Aukaspyrnumark í Eyjum Hrafnkell Freyr Ágústsson, einn af sérfræðingum í Dr. Football hlaðvarpinu, spáir í leiki umferðarinnar.

Hann spáir eins marks sigri gestanna.

ÍBV 0 - 1 Þróttur
Ég hef mikla trú á félaga mínum Nik Chamberlain og hann er búin að hafa eitthverja 5 daga til að drilla sínar konur fyrir þennan leik sem er of mikið fyrir Eyjakonur, Nik elskar að drilla. 1-0 Þróttur með marki frá Katherine Amanda Cousins úr aukaspyrnu.

Katie Cousins með sigurmark úr aukaspyrnu

Þróttur hafði betur í bæði skiptin þegar liðin mættust á síðustu leiktíð. Þær unnu í Vestmannaeyjum 14. maí 1 - 2 sigur og í heimaleiknum 16. ágúst unnu þær 5 -1.

Leikurinn í dag er í 4. umferð Bestu-deildar kvenna. Þróttur er eftir fyrstu þrjár umferðirnar á toppnum með 7 stig, hafa unnið FH og Selfoss og gert jafntefli við Stjörnuna.

ÍBV er í 7. sætinu með 3 stig, unnu Selfoss heima í fyrstu umferðinni en töpuðu svo gegn Stjörnunni úti og Þór/KA heima.

Dómarateymið Óli Njáll Ingólfsson dæmir leikinn í dag og er með Jovan Subic og Magdalena Anna Reimus sér til aðstoðar á línunum. Enginn skiltadómari er á leiknum í dag og ekki heldur eftirlitsmaður frá KSÍ.

Magdalena Anna Reimus hefur nýlega snúið sér að dómgæslu en hún var leikmaður Selfoss frá 2015 - 2022. Hún spilaði 9 leiki með liðinu í Bestu-deildinni á síðustu leiktíð en hefur síðan lagt skóna á hilluna. Hún skoraði tvö mörk gegn ÍBV í efstu deild sumarið 2021.
Magdalena Anna Reimus er línuvörður í dag.

Góðan daginn og verið velkomin í beina textalýsingu frá Hásteinsvelli í Vestmannaeyjum.

Hér mætast í dag ÍBV og Þróttur í Bestu-deild kvenna. Leikurinn hefst klukkan 18:00.