Litirnir! Liðin ganga nú út á völlinn. ÍBV spilar í hefðbundnum alhvítum búningum í dag en gestirnir í Keflavík eru albláir. Ívar Orri og aðstoðarmenn hans í dómarateyminu eru svo rauðir.

Fleiri stjörnur í stúkunni Páll Magnússon fyrrverandi þingmaður er auðvitað mættur að styðja sína menn í ÍBV og það sama má segja um Jóhannes Ólafsson fyrrverandi yfirlögregluþjón í eyjum. Með honum er svo Rúnar Vífill Arnarson en saman voru þeir um árabil í landsliðsnefnd KSÍ. Rýnar styður Keflavík enda fyrrverandi formaður þar.

Af hefðarmönnum Fyrst ég er að segja ykkur að Heimir Hallgrímsson fyrrverandi landsliðsþjálfari Íslands er í stúkunni þá er hann ekki eini fyrrverandi landsliðsþjálfarinn hér. Ólafur Jóhannesson er mættur hingað líka, ég tel ekki ólíklegt að hann hafi tekið daginn snemma og rúllað einn golfhring fyrir leik ef ég þekki hann rétt.

Þó ég væri á lest... Þegar ég og ljósmyndarinn gengum hingað á völlinn eftir komuna til Eyja með Herjólfi fórum við skart yfir götu án þess að gá að okkur, ég hagaði mér eins og kóngur. Það var bíll að koma upp götuna og hægði á sér svo ég kæmist slysalaust yfir, en stoppaði svo við hliðina á mér, opnaði gluggann og bílstjórinn sagði: ,,Þó Þó ég væri á lest þá myndi stoppa fyrir svona höfðingjum." Þetta var Heimir Hallgrímsson landsliðsþjálfari Jamaíka á leið á völlinn að sjá sína menn í ÍBV.

Rjómablíða Það er þvílík rjómablíða hér í Vestmannaeyjum. 17 stiga hiti, sól og nánast logn, sá litli vindur sem kemur er að sunnan svo þið getið ímyndað ykkur hitann. Líklega besta veður á Íslandi í dag.

Eiður ekki í hóp! Byrjunarliðin eru klár hér til hliðanna. Það er ein breyting á liði Eyjamanna en fyrirliðinn Eiður Aron Sigurbjörnsson er ekki í hópnum. Richard King kemur inn í byrjunarliðið í hans stað.

Edon Osmani kemur inn í lið Keflavíkur í stað Ernis Bjarnasonar sem tekur út leikbann.

Nýr leikmaður í Keflavík Nú styttist í að félagaskiptaglugginn opni og Keflavík tilkynnti í morgun komu Ísaks Daða Ívarssonar á láni frá Víkingi en hann hefur verið hjá Venezia á Ítalíu.

Dómarateymið Ívar Orri Kristjánsson dæmir leikinn í dag og er með þá Birki Sigurðarson og Bryngeir Valdimarsson sér til aðstoðar á línunum.

Gunnar Oddur Hafliðason er skiltadómari að þessu sinni og KSÍ sendir Hjalta Þór Halldórsson til að hafa eftirlit með störfum dómara og umgjörð leiksins.
Ívar Orri dæmir leikinn í dag.

Ernir í banni Ernir Bjarnason leikmaður Keflavíkur tekur út leikbann í dag vegna uppsafnaðra áminninga í sumar.
Ernir Bjarnason.

Staðan í deildinni Fyrir leikinn er ÍBV í 8. sæti deildarinnar með 16 stig og gætu með sigri í dag komist í 5. sætið.

Gestirnir í Keflavík eru í botnsætinu, með aðeins 9 stig í 14 leikjum í sumar.

1. Víkingur - 38
2. Valur - 32
3. Breiðablik - 27
4. FH - 21
5. KR - 19
6. HK - 17
7. KA - 17
8. ÍBV - 16
9. Stjarnan - 14
10. Fram - 14
11. Fylkir - 12
12. Keflavík - 9

Fyrri leikurinn Liðin mættust í fyrri umferðinni á gervigrasinu við Nettóhöllina 29. apríl.

Þá vann ÍBV 1 - 3 útisigur en efitr að Sami Kamil hafði komið Keflavík yfir á 67. mínútu sneru gestirnir leiknum við á átta mínutna kafla.

Hermann Þór Ragnarson ('71), Sverrir Páll Hjaltested ('75) og Oliver Heiðarsson ('79) skoruðu mörkin þrjú.

Leikdagur í eyjum Góðan daginn og verið velkomin í beina textalýsingu frá viðureign ÍBV og Keflavíkur í Bestu-deild karla.

Leikurinn hefst klukkan 14:00 á Hásteinsvelli í Vestmannaeyjum.