Styttist í þetta! Liðin ganga til vallar og takast í hendur.

Guðrún Karítas spáir í spilin Guðrún Karítas, leikmaður Fylkis, spáði í spilin fyrir komandi umferð í Bestu. Hún hafði þetta að segja um þennan leik:

Valur 4 - 0 Keflavík
Það verður veisla á Hlíðarenda! Valur búnar að vera taplausar síðan í júní og klára lokaumferðina fyrir umspil með 4-0 sigri. Bryndís Arna hendir í þrennu og er á góðri leið að tryggja sér gullskóinn í ár. Mín kona, Ásdís Karen hendir síðan í eina sleggju.

Liðin ganga þá til búningsherbergja og gera sig klár í slaginn.

Dómaratríóið Það verður engin önnur en Marit Skurdal sem sér um að dæma leik dagsins. Honum til halds og trausts verða þær Bergrós Lilja Unudóttir og Helle Reiten. Hjalti Þór Halldórsson verður eftirlitsmaður KSÍ en varadómari dagsins verður Reynir Ingi Finnsson.

Keflavíkingar í harðri fallbaráttu Keflvíkingar eru, eins og staðan er í dag, í fallsæti, 9. sæti, en aðeins einu stigi frá forsetisbikarssætinu, 7. sæti. Þegar haldið verður inn í umspilið er ljóst að fallbaráttan verður ótrúlega spennandi. Keflavík veðrður í harðri baráttu við Tindastól og ÍBV undir lok tímabils um að halda sér uppi og forðast þetta lausa fallsæti. Ásamt Selfossi eru Keflvíkingar með verstu sóknina í deildinni. Þær hafa skorað 10 mörk í 17 leikjum sem verður að teljast ansi dapurt. Eitthvað sem ég held að Jonathan Glenn sé alls ekki sáttur með.

Valskonur á toppnum er umspilið hefst Eins og nánast allir vita eru Valskonur á toppnum með 5 stiga forystu á Breiðablik sem eru í 2. sæti. Sem þýðir það að sama hvernig fer í dag, Valur verður á toppnum þegar umspilið byrjar. Seinustu tveir leikir hjá Val hafa báðir verið útileikir gegn Tindastól og Þór/KA. Valur vann báða þá leiki annars 3-2 og hinsvegar 3-0.Þess má einnig geta að Valur eru með markahæsta leikmann umferðarinnar, Bryndísi Örnu, sem hefur skorað 13 mörk í sumar. Það sem hefur einkennt val í sumar líka er öflugur varnarleikur en þær hafa fengið fæstu mörkin á sig í deildinni í sumar.

Seinasti leikur fyrir umspilið Verið hjartanlega velkomin í þráðbeina textalýsingu frá leik Vals og Keflavíkur í Bestu deildinni. Þetta er seinasti leikur deildarinnar áður en umspilið hefst. Keflavík eru í næst neðsta sæti, 9. sæti, á meðan Valskonur eru á toppnum fyrir þennan leik.