SKÝRSLAN: Aggressívir Leiknismenn
Hvað réði úrslitum?
Leiknismenn mættu til leiks á 1.mínútu á meðan Víkingar byrjuðu leikinn í seinni hálfleik. Það var augljóst að Leiknir ætluðu að kæfa leikinn snemma og þeim tókst það.
Bestu leikmenn
1. Charley Fomen
Var gífurlega öflugur í sínum aðgerðum sóknarlega og varnarlega. Skoraði svo stórgott mark.
2. Óttar Bjarni Guðmundsson
Hreint lak og flottur leikur hjá Óttari í dag, sá um að stoppa margar sóknir Víkinga og var grimmur í návígum, tapaði ekki mörgum.
Atvikið
Aukaspyrnan hjá Fomen. Ef netið hefði ekki stoppað boltann þá hefði hann sennilega aldrei stoppað. Greinilega mikill sprellikall hann Fomen, kom dansandi og hoppandi inn í klefa eftir leik.
Hvað þýða úrslitin?
Leiknismenn eru með 8.stig einungis tveimur stigum frá toppnum, draumabyrjun hjá nýliðunum þrátt fyrir að hafa tapað fyrir ÍA í nýliðaslagnum.
Víkingar hins vegar að tapa sínum fyrsta leik í deildinni.
Víkingar hins vegar að tapa sínum fyrsta leik í deildinni.
Vondur dagur
Umgjörð Leiknis og þá sérstaklega aðstaða fjölmiðla fær algjörlega falleinkunn í dag. 5 fjölmiðlamenn enduðu á því að deila tveimur litlum gluggum á milli sín. Leiknir voru ekki að fara upp um deild í gær, þeir hafa haft nægan tíma til að gera þetta klárt og ekki hægt að finna margar afsakanir fyrir þessu.
Dómarinn - 8
Flottur leikur hjá Vilhjálmi í dag, hafði hemil á leiknum, setti línu snemma í leiknum og hélt sig við hana.