SKÝRSLAN: Valsmenn stálheppnir í sigri á Eyjamönnum
Hvað réði úrslitum?
Valsmenn með töluvert betri færanýtingu í leiknum. Það skilaði sér heldur betur í dag. Spilamennska beggja liða var langt í frá því að vera góð og geta Valsmenn prísað sig sæla að hafa unnið þennan leik.
Bestu leikmenn
1. Rolf Toft
Lagði fyrra mark Vals í leiknum. Virkilega vel gert. Var frískur í leik Vals og þá sérstaklega í fyrri hálfleiknum.
2. Simon Smidt
Skoraði eina mark Eyjamanna í leiknum. Var hættulegur sóknarlega og átti eina aukaspyrnu í þverslánna. Óheppinn en góður. Dalaði í seinni hálfleik eins og margir á vellinum.
Atvikið
Dauðafærin sem Eyjamenn klikkuðu í leiknum reyndist þeim dýrkeypt.
Hvað þýða úrslitin?
Valsmenn fara uppfyrir ÍBV í deildinni og eru komnir með 14 stig á meðan ÍBV er með 13 stig um miðja deild.
Vondur dagur
Aron Bjarnason hefði hæglega getað skorað mark og jafnvel mörk í þessum leik.
Dómarinn - 7,5
Gunnar Jarl fór af velli meiddur í leiknum. Jóhann Ingi mætti og stóð vaktina vel.