SKÝRSLAN: Svartsýnustu KA menn geta byrjað að drekka Pepsi
Hvað réði úrslitum?
Föst leikatriði KA-manna í upphafi seinni hálfleiks komu þeim í 2-1 eftir að hafa verið undir í hálfleik. Þegar lið í þeirri stöðu sem HK er í er erfitt að vinna sig úr slíku.
Bestu leikmenn
1. Juraj Grizelj
Var hættulegur í allan dag og lagði upp tvö marka KA-manna.
2. Elfar Árni Aðalsteinsson
Gerði það sem senterar eiga að gera og skoraði tvö mörk.
Atvikið
KA menn koma inn í seinni hálfleik og skora strax á 48. mínútu. Eftir það vissi maður að þetta yrði erfitt fyrir HK.
Hvað þýða úrslitin?
KA-menn eiga 10 stig í 3. sætið og það eru 12 stig í pottinum þannig að það verður að teljast ólíklegt að þeir missi það niður. HK-ingar eru áfram í hörku botnbaráttu einu stigi frá fallsæti.
Vondur dagur
Vörn HK í föstum leikatriðum. Þeir áttu í stökustu vandræðum í hvert skipti sem KA fékk fast leikatriði og það kostaði þá í dag.
Dómarinn - 6
Var heilt yfir með fín tök á leiknum en missti þau aðeins undir lokin. Jói Kalli vildi víti sem ég treysti mér ekki til að dæma um.