Ég þakka fyrir mig og minni á beina textalýsingu frá leik Manchester United og Swansea hérna rétt á eftir, ná þeir rauðu að ýta City alla leið?

Leiknum er lokið með 0-2 sigri City, áttu þetta skilið í dag, Newcastle menn vörðust ágætlega en voru ekki nógu góðir fyrir City. Aðeins einn leikur skilur þá bláklæddu núna frá enska titlinum.

Úff frábær vörn hjá Richards, Ameobi með þrumuskot sem hefði farið á markið en Richards fórnar sér, Newcastle fá horn en það verður ekkert úr því.

Enn og aftur eru City nálægt því að klára þetta, núna skallar Yaya Toure rétt framhjá.

Það verður að segjast eins og er að City eru líklegri til að skora annað mark, Newcastle liðið er ekki að bjóða upp á mikið fram á við.

Hvernig klúðraði Aguero þessu!!! Einn á móti Krul en leggur boltan framhjá markinu!

Newcastle menn minna á sig, góð skyndisókn sem endar með skoti Ben Arfa sem fer framhjá, hefði getað gert betur þarna.

10 mínútur liðnar af seinni hálfleik og City verið betri, rétt í þessu á Tevez laust skot utan af kannti sem Krul ver léttilega.

Toure setur hann langt yfir.

Tevez fiskar aukaspyrnu á stórhættulegum stað af Perch, mjög vægur dómur.

Aston Villa er komið í 1-0 gegn Tottenham á heimavelli. Þetta á eftir að lyfta stuðningsmönnum Newcastle.

City byrjar með boltan í seinni.

Leikurinn byrjaði rólega en æstist heldur betur upp þegar að á leið, hefur verið nokkuð skemmtilegur hingað til. Bæði lið eru með heimsklassa sóknarmenn þannig að við hljótum að sjá einhver mörg í seinni hálfleik.

Fyrri hálfleik er lokið, bæði lið hafa átt færi en það er ennþá 0-0. Held að Newcastle menn séu ánægðir með þetta, City verið mun betra liðið.

VÁÁÁ! Hvernig fór þetta ekki inn, Newcastle vörnin bjargar tvisvar á línu eftir svaka dramatík í teignum hjá Newcastle, Coloccini og Santon bjarga báðir á línu og Perch nær svo að hreinsa eftir mikið klafs í teignum. Þegar að Newcastle er að komast betur inn í leikinn minna City menn heldur betur á sig!

Vel spilað hjá Newcastle, þeir hafa aðeins spýtt í lófana eftir slappa byrjun. Cissé með skalla yfir eftir frábæran undirbúning Ben Arfa.

Tevez tekur spyrnuna sem skoppar fyrir framan Krul en hann nær þó að halda boltanum.

Krul fer í skógarhlaup, missir af boltanum en félagar hans í Newcastle vörninni redda honum, þetta lítur eiginlega bara út fyrir að vera tímaspursmál með markið hjá City, ráða öllu þessa stundina.

Aguero með besta færi leiksins hingað til, fékk boltan í teignum hjá Newcastle, lagði hann fyrir sig og náði skoti á markið sem Krul handsamaði.

Það er eins og að Newcastle menn séu eitthvað stressaðir, mikið af litlum mistökum. City líta vel út og eru að auka pressuna á Newcastle vörnina.

City eru mættir til leiks, fá góða sókn og Perch og Williamson þurfa að taka á honum stóra sínum í tvígang. Silva kemst svo inn fyrir Newcastle vörnina og á gott skot sem Krul ver vel.

Fyrsta skiptið sem Cissé fékk boltan, einhverstaðar á nálægt miðjulínu, hrópuðu áhorfendur á SJP \"shooooot\". Þeir sem sáu markið hans í síðustu umferð gegn Chelsea vita hvað þeir eiga við. Leikurinn fer rólega af stað.

Newcastle byrjar með boltann.

Fyrirliðarnir leiða liðin sín inn á völlin, það eru góðar aðstæður til knattspyrnuiðkunar í Newcastle í dag.

Ég minni fólk á twitter ef það er að tala um leikinn, hastagið #fotbolti, þið þekkið þetta :)

Það var stytta vígð fyrir framan St Jame\'s Park í dag af Sir Bobby Robson, ef að Newcastle spilar í anda hans í dag þá verður þetta erfiður dagur fyrir City.

Þetta er leikurinn sem gæti ráðið úrslitum í deildinni sjálfri, Newcastle menn eru að berjast um sæti í meistaradeildinni öllum að óvörum en ef að City vinnur hérna í dag þá eru þeir klárlega komnir með aðra hönd á titilinn.

Komið þið sæl og blessuð. Hér fylgjumst við með leik Newcastle og Manchester City af miklum móð.