United liðið labbar í kring um völlinn og kveður stuðningsmennina sína í síðasta skipti á tímabilinu, tímabili sem verður líklegast minnst fyrir lítið annað en að nokkrir ungir leikmenn komu inn sem gætu skrifað söguna að einhverju leiti í framtíðinni. Andlit leikmanna United segja meira en þúsund orð þegar að þeir labba og þakka stuðningsmönnum stuðninginn í vetur.

Ferguson ávarpar líka stuðningsmennina og þakkar þeim fyrir tímabilið.

United vinna sinn síðasta heimaleik í vetur 2-0, ef að QPR tekur ekki stig á móti City í lokaumferðinni þá endar liðið án titils í ár þrátt fyrir að hafa verið með gott forskot á City fyrir stuttu síðan. Það er því skrítin stemmning á Old Trafford þegar að Chris Foy flautar til leiksloka.

Swansea voru góðir í seinni hálfleik, Gylfi var magnaður eins og venjulega.

Cleverley næstum því búin að bæta við þriðja markinu eftir gott hlaup frá miðjunni, Vorm varði hins vegar frá honum.

United menn eru líklegir til að bæta við einu marki hér í lokin.

Hvernig klúðraði Rooney þessu, Carrick með magnaða sendingu í fyrsta inn fyrir vörnina hjá Swansea, Rooney er kominn einn í gegn en setur boltan rétt fram hjá.

Gylfi fiskar aukaspyrnu á hættulegum stað, tekur hana sjálfur og De Gea þarf að taka á honum stóra sínum.

Gylfi með sendingu á Dyer sem skítur boltanum rétt yfir markið, góð sending hjá okkar manni sem hefur klárlega verið með betri mönnum Swansea í leiknum.

Held að það sé orðið alveg ljóst að United er ekki að fara að vinna upp markamunin sem City hefur, hálftími eftir.

Swansea, sem hafa verið miklu betri í seinni hálfleik heldur en í þeim fyrri voru næstum því búnir að skora ef ekki hefði verið fyrir frábær viðbrögð De Gea í markinu. Allen þrumaði boltanum í Graham sem reyndi að stýra boltanum framhjá spánverjanum en það tókst ekki.

Chicharito skallar boltan yfir eftir fyrirgjöf frá Valencia, ágætt færi.

Það er eins og að Rooney hafi bara ekki mætt í seinni hálfleikin, hver sendingin á fætur annari fer forgörðum hjá honum.

United fær skyndisókn sem hefði endað í marki ef ekki hefði verið frábæra tæklingu hjá Nathan Dyer af öllum mönnum.

Það fyrsta sem gerist í seinni hálfleik eftir 7 mínútna leik er að Gylfi tekur skot fyrir utan teig sem tekur smá dífu rétt fyrir framan De Gea, Swansea fékk horn sem ekkert varð úr.

Held að það yrði ekki léleg hugmynd ef Ferguson tæki varnarmann af velli í hálfleik og setti sóknarmann inn, Swansea hefur lítið gert fram á við að frátöldu Gylfa sem hefur átt nokkrar ágætis sendingar. United vantar mörk.

Smalling næstum því búin að skora þriðja mark leiksins, skallar boltan rétt framhjá eftir hornspyrnu, Chris Foy flautar svo til leikhlés.

Gylfi kemur sér í skotstöðu en skotið hans er með vinstri, laust og De Gea handsamar það léttilega.

Gott spil á milli Jones og Valencia endar með skoti frá Jones á markið, Vorm verð þó og heldur boltanum.

Ágæt færi hjá Chicharito og Rooney, Swansea hefur ekki séð til sólar eftir markið.

Young er straujaður í teignum en fær ekkert nema hornspyrnu, þegar að menn eru komnir með svona orðspor þá er kannski erfiðara að fá vítaspyrnur.

Chicharito næstum því búin að bæta við marki eftir fyrirgjöf Valencia, Swansea menn verða að passa sig, United er komið með blóðbragð í munninn.

Gylfi gerir vel og laumar boltanum inn á Graham sem á samt lélegt skot sem De Gea ver léttilega.

Evra næstum því búin að skora eftir hornspyrnu sem best út úr teignum, gerir vel til að koma skoti á markið en Vorm ver vel, Rooney tekur frákastið en Vorm ver aftur í horn.

Evra og Dyer hafa átt í athyglisverðri baráttu á vinstri kanntinum, báðir litlir, teknískir og snöggir.

Engin almennileg færi hérna á fyrstu 15 mínútunum, United hefur þó verið meira með boltan.

Gylfi næstum því komin í góða stöðu til þess að skjóta en fyrsta snertingin hans var ekki nógu góð, Dyer fær boltann en setur hann yfir markið hjá United.

Lítið gerst á fyrstu 5 mínútunum, United verið aðeins meira með boltan. Það heyrist duglega í United stuðningsmönnunum hérna í byrjun

Hernandez er búin með bæninrnar sýnar og United byrjar með boltan.

Mikil dramatík á botninum, Bolton fékk á sig mark á lokamínútu leiksins og náði aðeins í eitt stig gegn WBA, QPR náði svo að skora mark í lokin gegn Stoke og stálu þremur stigum.

Sir Alex í viðtali við Sky \"Við ætlum að gera það sem við getum, City er samt með báðar hendur á titlinum, það mikilvæga í dag er að við sýnum góða frammistöðu í dag\"

Þetta er síðasti heimaleikur United á tímabilinu og þeir vilja klárlega enda á góðri frammistöðu. Berbatov og Park eru á bekknum, þetta gæti mögulega verið síðasti leikur þeirra í litum United.

Gylfi okkar Sigurðsson byrjar hjá Swansea í dag, er þetta ekki fullkomið tækifæri fyrir hann til þess að heilla Sir Alex Ferguson, því eins og hann sagði hérna um daginn, þá er draumur hans að spila fyrir Manchester United.

Kæru lesendur, veriði velkomin í beina textalýsingu á leik Manchester United og Swansea City. Eftir að Yaya Toure skoraði ein 2 mikilvægustu mörk Manchester City allra tíma verða lærisveinar Ferguson að vinna hérna í dag og helst vinna stórt ef þeir vilja halda titilbaráttunni áfram.