Verið velkomin í beina textalýsingu frá Fylkisvelli í Árbænum. Hér í dag mætast liðin sem spáð eru brösuglegu gengi í sumar, Fylkir og Keflavík.

Byrjunarlið liðanna eru hér á hægri og vinstri köntum síðunnar en á miðjunni mun texti frá mér birtast. Vonandi að þið eigið eftir að eiga ánægjulegt kvöld með mér og skemmtið ykkur.

Áfram Fótbolti!

Magnús Þórir Matthíasson er í byrjunarliði Fylkis en hann kom einmitt til Fylkis frá Keflavík í vetur.

Við minnum síðan á Twitter-ið vinsæla. Verið með í umræðunni og þið gætuð dottið í lukkupottinn.

Það er vesen á netsambandinu hér í Árbænum, en netpungurinn er að bjarga okkur hjá Fótbolti.net.

Fylkismenn vilja kenna Jón Gnarr um þetta... Fall er fararheill.

Árni Freyr Guðnason verður uppi á topp hjá Fylki, en hann hefur verið í 1.deildinni síðustu ár og skorað þau ófá mörkin hjá ÍR. Það verður gaman að sjá hvernig hann mun spreyta sig í deild þeirra bestu.

Leikurinn er að byrja í lautinni. Gunnar Jarl Jónsson er dómari leiksins.

Fyrir leikinn skella Fylkismenn sér í smá liðsmynd. Alvöru.

Bæði lið hafa fengið hornspyrnur og varði Bjarni Þórður til að mynda eftir eina slíka.

Guðmundur Steinarsson átti síðan fyrstu hættulegu marktilraunina, en skot hans rétt framhjá úr aukaspyrnu.

Jóhann Birnir með skot úr aukaspyrnu en full auðvelt fyrir Bjarna Þórð í markinu.

Leikurinn í miklu jafnvægi.

Hilmar Geir skoraði sitt annað mark í leiknum, en var líklega réttilega dæmdur rangstæður.

Hilmar Geir skoraði sitt annað mark í leiknum, en var líklega réttilega dæmdur rangstæður.

Hilmar Geir skoraði sitt annað mark í leiknum, en var líklega réttilega dæmdur rangstæður.

Ingimundur Níels Óskarsson með skot að marki Keflavíkur en skotið beint á Ómar.

Leikmenn liðanna hafa boðið upp á lítið að færum í fyrri hálfleik, kannski eitthvað sem við mátti búast.

Hálfleikur hér í Árbænum.

Keflavík einu marki yfir, leikurinn verið í jafnvægi og bæði lið átt sitthvort hálffærið.

Seinni hálfleikurinn er hafinn. Engar breytingar voru gerðar í hálfleiknum og því byrja sömu menn seinni hálfleikinn og hófu þann fyrri.

Davíð Þór Ásbjörnsson með skot að marki Keflavíkur úr aukaspyrnu, Ómar varði en missti boltann frá sér, en náði síðan að kasta sér á boltann áður en næsti Fylkismaður náði að gera sig líklegan.

Ingimundur Níels Óskarsson jafnaði metin fyrir Fylki eftir laglega sendingu frá Árna Frey Guðnasyni. Rangstöðu vörn Keflvíkinga klikkaði á ögurstundu og var færi Ingimundar því nokkuð þæginlegt og nýtti hann sér það vel og skoraði í nærhornið.

Árni Freyr í upplögðu marktækifæri en skot hans afleitt, fékk boltann á lofti inn í teig, skaut í jörðina og beint í fangið á Ómari. Ingimundur Níels gaf fyrir.

Stórskothríð hjá Fylki. Árni Freyr að marki en Ómar varði út í teiginn, þar átti Davíð Þór skot í varnarmann Keflavíkur og þaðan hreinsuðu þeir boltann í burtu.

Jóhann Þórhallsson fékk gullið tækifæri til að koma Fylkismönnum yfir. Hann fékk sendingu innfyrir teig, tók boltann á brjóstkassann, en skot hans himinhátt yfir.

Leik lokið með jafntefli.

Vegna tæknilegrar truflanna, þá var lítið skrifað um leikinn síðustu mínútur, ég ætla bæta það upp hér í stuttu máli.

Fylkismenn voru mun líklegri til að skora sigurmarkið en Ómar Jóhannsson var vandanum vaxinn í markinu og varði vel.

Sanngjörn niðurstaða hér í lautinni í fyrstu umferð.