Góðann daginn lesendur fótbolti.net!
Hér eftir klukkutíma fer fram leikur ÍBV og Fylkis á Hásteinsvelli. Í Vestmannaeyjum slær vindur upp í 20 metra á sekúndu á markið nær Herjólfsdal.

Liðin eru hér að mæta í Týsheimilið, litlar fréttir af byrjunarliðum en vonandi að það komi inn á næstu 20 mínútum eða svo.

Liðin eru komin inn!
Finnur Ólafsson byrjar sinn fyrsta leik í Pepsí Deildinni og það á móti sínu gamla félagi ÍBV, hann mun örugglega koma til með að valda þeim usla.

Ásgeir Börkur er á bekk Fylkismanna og vitum við ekki alveg orsökin af því en hjá Eyjamönnum er Þórarinn Ingi ekki í hóp heldur og eru skörðin orðin heldur stór hjá byrjunarliði ÍBV þessa dagana.

Eyjamenn biðu lægri hlut í umdeildum leik í Vesturbænum, 3-2 og töpuðu Fylkismenn einnig á heimavelli á móti ÍA 0-1.
En hér koma liðin inn á völlinn.

Hér flautar Örvar Sær til leiks en Fylkismenn byrja á móti sterkum vindi hér í Eyjum!

ÍBV gerir vel hér í byrjun, en Arnór Eyvar fór í flott upphlaup á hægri kantinum, kom með fínan bolta fyrir en Fylkismenn hreinsuðu.

Bjarni Þórður sparkar hér í innkast úr markspyrnu og það er ljóst að það mun reynast markvörðum liðanna erfitt að halda boltanum inná í þessu roki.

Lítið er að gerast í leiknum hér, en liðin virðast bæði að vera að aðlagast aðstæðum hér á Hásteinsvelli.

Menn ná hér sæmilegu spili þrátt fyrir aðstæður. En Fylkismenn hafa fjölmennt á völlinn og heyrist vel í þeim.

Aaron Spear átti mjög gott skot, sem fór í þverslánna og niður í Bjarna Þórð og út, virkilega hættulegt skot þarna!

Flott spil hér hjá Eyjamönnum, en Ian Jeffs og Víðir hafa skipt hér um kanta, en Tony fékk boltann við teiginn og tók hann viðstöðvalausann en rétt yfir. Bjarni Þórður leggur sig allann fram í að tefja og greinilegt er að Fylkismenn nenna ekki mikið lengur að vera hér á móti vindi.

Hér flautar Örvar til hálfleiks en liðin hafa verið nokkuð jöfn í leik sem spilaður í vægast sagt erfiðum aðstæðum.

Hér flautar Örvar til leiks, hér hefur einungis bætt í vind en ÍBV er hér á móti honum. Fylkir eiga strax gott skot að marki sem Abel nær ekki að halda og fá þeir hornspyrnu.

Fínt spil hér hjá ÍBV á móti vindi og uppskera þeir hornspyrnu útfrá því, Spear tók hana og skallaði Brynjar Gauti yfir.

Abel ætlar að lenda í sama veseni og Bjarni Þórður en nú rétt í þessu fór markspyrna hans í innkast.

Víðir kemst hérna upp hægra megin, sendir fyrir en boltinn var of fastur fyrir Ian Jeffs sem þarf að elta boltann, á svo í góðu þríhyrningsspili við Olsen inn í teig en það endar í höndum Bjarna.

Magnús Gylfason vægast sagt brjálaður yfir Örvari, en hann telur ákvarðanir hans ekki vera í samræmi og í kjölfarið sparkar hann makmannshanska í andlit Björgvins Eyjólfssonar sjúkraþjálfara.

Tony og Rassmus lenda í svakalegu samstuði hér og hljóðið þegar þeir lenda saman gladdi fáa, en Tony liggur hér hálf vankaður

Það virðist ganga vel að spila á móti vindi, en Fylkismenn voru í betri í fyrri hálfleik á meðan ÍBV eru betri nú í þeim seinni.

Sjúkrabíllinn er kominn hér til að sækja Tonny, en hann virðist hafa rotast við þetta samstuð.

Ian Jeffs komst einn í gegn hér, og skoraði en dæmd var á hann rangstæða!

Yngvi Magnús, a.k.a ,,Rauða Ljónið\" virðist vera að koma inná, en vonandi að hann nái að lyfta gæðum þessa leiks á hærra plan, lítið að gerast í eyjum!

Frábært skot frá Cristian Olsen sem Bjarni ver vel, Eyjamenn fá hornspyrnu sem er vægast sagt léleg frá Aaron Spear.

Það er bókstaflega ekkert að gerast í þessum leik. Hvorug lið eru að skapa sér eitthvað í augnablikinu.

Örvar með sérstaka ákvörðun þar sem ÍBV átti aukaspyrnu við miðju, ætla að taka hana fljótt, en það er bannað og svo dæmir hann Fylkismönnum aukaspyrnuna.

En ein meiðslin í herbúðum ÍBV, en Cristian Olsen haltrar hér og gera Eyþór og Ragnar sig tilbúna til að koma inná.

Eyjamenn eiga hér hornspyrnu á 96 mínútu, ná þeir að gera sér eitthvað úr því ?
Neei aldeilis ekki og Örvar flautar hér til enda leiks sem var tíðindalítill í rokinu í Eyjum.