Heil og sæl! Leikur FH og Blika hefst klukkan 20:00! Byrjunarliðin koma inn von bráðar en ég get upplýst um það nú þegar að lið FH er algjörlega óbreytt frá síðasta leik.

Heimir Guðjóns, þjálfari FH, og Gummi Ben, aðstoðarþjálfari Breiðabliks, standa úti á velli, hella í sig kaffi og spjalla um eitthvað fyndið. Allavega báðir skælbrosandi.

Það er mikið húllumhæ í tengslum við þennan leik. Íþróttaálfurinn sprellar og gefur ís, Gylfi Sigurðsson áritar á blöð og valda líkamshluta og þeir Baldur Bett og Jón Þorgrímur grilla borgara fyrir gesti og gangandi.

Sólin skín og þetta hlýtur að verða skemmtilegur leikur! Ég trúi ekki öðru!

FH-ingar eru í öðru sæti deildarinnar með sjö stig en Blikar hafa fjögur. Bara svona svo það sé á hreinu.

Endilega skrifið á Twitter eins og enginn sé morgundagurinn og notið hashtagið #fótbolti - Valdar færslur verða birtar í textalýsingunni.

Danny Justin er á bekknum hjá FH. Justin er fjölhæfur Englendingur og væri gaman að sjá hann sprikla eitthvað á grasinu í Krikanum í kvöld!

Liðin eru komin út á völlinn. Allt að verða klárt!

Leikurinn er hafinn. FH sækir í átt að KFC í Hafnarfirði í fyrri hálfleiknum.

Blikar byrja betur og bakvörðurinn Þórður Steinar átti fyrsta skot á mark í leiknum. Gunnleifur reyndar ekki í vandræðum með þetta.

FH-ingar þurfa að setja sig í gang. Blikar hættulegir.

Enn eru Blikar líklegri. Boltinn skoppaði rétt framhjá fjærstönginni eftir að Kristinn Jónsson tók aukaspyrnu

Hörkufæri hjá Blikum! Eftir misheppnaða spyrnu Gunnleifs í markinu (eftir misheppnaða sendingu frá Guðmanni) skaut Elfar Árni naumlega framhjá. Hefði getað rennt boltanum á Rnkovic sem var fyrir opnu marki.

Hálfleikur - Friðrik Dór vallarþulur minnir fólk á að hægt sé að kaupa FH-derhúfur í hálfleik.

Seinni hálfleikur.

FH-ingar nær því að bæta við en Blikar að minnka muninn. Atli Viðar átti hörkuskalla sem Sigmar varði í slánna.

Kerfið hefur verið erfitt og því vantar inn slatta af skiptingum. FH-ingar allavega verið miklu betri í leiknum og sigurinn sem þetta stefnir í síst of stór.

LEIK LOKIÐ