Komið þið sæl. Hér verður bein textalýsing frá leik milli Stjörnunnar sem er í 4. sæti með 8 stig og ÍA sem er í 1. sæti með 12 stig. Bæði lið eru taplaus en Skagamenn hafa unnið alla fjóra leiki sína. Nær Stjarnan að vera fyrsta liðið til að stöðva ÍA? ,,Leikurinn í kvöld leggst bara mjög vel í mig, þetta er verðugur andstæðingur og ég býst við hörkuleik. Við eigum séns á að jafna ákveðið met í kvöld í fjölda unnina leikja í röð sem nýliðar, met sem ég á part í frá því ég spilaði sjálfur með Val, svo það væri ekki slæmt að eiga það með tveimur liðmu´´ sagði Garðar Gunnlaugsson í viðtali við heimasíðu ÍA en Garðar skoraði sigurmark ÍA gegn Keflavík í síðustu umferð. Garðar Jóhannsson, sóknarmaður Stjörnunnar, var markakóngur í fyrra en er enn ekki kominn á blað á þessu tímabili. ,,Það er ekki komið neitt stress ennþá en það væri allt í lagi að fara að setja eitt kvikindi. Við erum búnir að skora flest mörk í deildini þannig að þetta er allt í góðu ennþá, það er gott að eiga eitthvað inni,´´ sagði Garðar í viðtali fyrir leikinn. Dómari í kvöld er fasteignasalinn Guðmundur Ársæll Guðmundsson og aðstoðardómarar þeir Frosti Viðar Gunnarsson og Andri Vigfússon.

Maggi vallarþulur leikur á als oddi. Var að tilkynna það í hátalarakerfinu að Bolvíska stálið af Morgunblaðinu væri að hella í sig Pepsi-Max. Blaðamannastúkan troðfull af veitingum og góða skapinu.

Það er frekar hvasst í Garðabænum en vonandi fáum við samt flottan fótbolta.

Stuðningsmenn Skagamanna eru boðnir velkomnir og spilað lagið Kátir voru karlar í hátalarakerfinu. Fyrir leik er Bjarni Jóhannsson, þjálfari Stjörnunnar, heiðraður fyrir að ná að stýra 100 leikjum í efstu deild.

Leikurinn er hafinn! Skagamenn sækja í átt að Reykjavík.

Stjörnumenn meira með knöttinn í upphafi leiks. Skagamenn ekki náð fram neinu spili á fyrstu mínútunum.

Mads Laudrup með hættulegt skot! Atli Jóhannsson renndi boltanum á hann og hann átti skot rétt framhjá. Stjörnumenn átt fyrstu mínúturnar.

Atli Jóhannsson með skot langt framhjá. Skagamenn hafa enn ekki byrjað þennan leik.

Garðar Jóhannsson í hörkufæri!! Fékk fyrirgjöf frá Kenni Chopart og skallaði á markið en beint á Pál Gísla í markinu. Stjarnan miklu líklegri.

Dauðafæri!!! Skagamenn í sannkölluðu dauðafæri, spiluðu sig í gegnum vörn heimamanna og Mark Doninger fór framhjá Ingvari í markinu, átti bara eftir að rúlla boltanum í markið en þá kom Gary Martin og ætlaði að ræna markinu en átti misheppnað skot framhjá! Ótrúlegt!

Leikurinn hefur opnast og miklar þvögur myndast í báðum vítateigum. Virðist vera stutt í fyrsta markið.

Jói Kalli klókur, tók aukaspyrnu snemma og Ingvar í markinu var ekki tilbúinn. Boltinn rétt framhjá. Þarna skall hurð nærri hælum. Meira líf í gestunum núna.

Leikurinn hefur róast þónokkuð mikið og langt síðan síðasta markverða færi kom.

Atli Jóhannsson með skemmtilega hjólhestaspyrnu í teignum en framhjá fór boltinn! Hefði getað orðið glæsilegt mark.

Doninger í dauðafæri en honum brást bogalistin! Frábær skalli innfyrir frá Gary Martin á sambýlismann sinn.

Flott sókn Stjörnunnar. Kennie Chopart fékk sendingu frá Halldóri Orra en hitti ekki markið.

Ármann Smári með skalla framhjá eftir horn.

Leik lokið Scholz maður leiksins.