Góðan kvöldið kæru lesendur Fótbolta.net. Anton Ingi Leifsson heiti ég og mun lýsa fyrir ykkur því sem gerist hér á Kópavogsvelli. Hér innan skamms mun ég birta byrjunarlið beggja liða.

Blikar gera fjórar breytingar frá sunnudeginum þegar þeir steinlágu gegn FH 3-0. Þeir Rafn Andri Haraldsson, Arnar Már Björgvinsson, Árni Vilhjálmsson og Andri Rafn Yeoman koma inn. Þeir Elfar Árni Aðalsteinsson, Haukur Baldvinsson og Peter Rnkovic fá sér sæti á bekknum. Tómas Óli Garðarsson er ekki í hópnum, líklega vegna meiðsla.

Fram gerir þrjár breytingar á liði sínu. Þeir Daði Guðmundsson, Ásgeir Gunnar Ásgeirsson og Hólmbert Aron Friðjónsson fá sér sæti á bekknum. Þeir Kristján Hauksson, Jón Gunnar Eysteinsson og Hlynur Atli Magnússon koma inn í liðið. Hlynur Atli mun leika sinn fyrsta leik í sumar, en hann hefur verið meiddur.

Leikir liðanna á síðustu leiktíð voru ekki mikil skemmtun. Fyrri leikurinn á Kópavogsvelli endaði 1-1 þar sem Arnar Gunnlaugsson og Kristinn Steindórsson skoruðu mörkin. Á Laugardalsvellinum unnu Framarar 1-0 þar sem Arnar skoraði einnig.

Við minnum fólk á að valin tíst munu birtast hér í textalýsingunni. Noti fólk hash-tagið #fotbolti á það möguleika að koma fram hér í textalýsingunni. Koma svo!

Vilhjálmur Alvar mun dæma leikinn í dag og honum til aðstoðar eru þeir Smári Stefánsson og Sverrir Gunnar Pálmason. Eftirlitsmaður frá KSÍ er Eyjólfur Ólafsson.

Bæði lið eru að enda upphitun sína og fara senn að koma sér til búningsherbergja. Það styttist í leikinn og vonandi verður hann mikil skemmtun.

Liðin ganga hér út á völlinn á eftir dómurum leiksins.

Leikurinn er hafinn! Góðaskemmtun.

Lítið að gerast fyrstu tíu mínúturnar. Framarar áttu þó ágætis skot áðan sem Sigmar varði vel.

Árni Vilhjálmsson var við það að sleppa í gegn, en Kristján Hauksson var vel á verði og bjargaði í horn. Úr horninu gerðist ekkert.

Jón Gunnar Eysteinsson með hörkuskot, en boltinn himinn hátt yfir markið.

Hér í Kópavogi eru liðnar tuttugu mínútur og nákvæmlega ekkert hefur gerst. Leikurinn afar tíðindalítill og vonandi fer eitthvað að hressa við þessu.

Framarar ráða hér lögum og lofum. Liðið er að spila ágætis fótbolta, en vantar þó að skapa sér fleiri færi.

Almarr í flottu færi eftir mistök blika, en Sigmar lokar vel á hann.

Renee Troost í ágætis færi, en lætur Ögmund verja frá sér. Það var þó haldið aðeins utan um hann og vildu Blikar í stúkunni fá víti. Það hefði verið full harkalegt að dæma víti þarna.

Fyrri hálfleik er lokið. Framarar verðskuldað yfir.

Seinni hálfleikur er hafinn. Fólk má endilega vera duglegra við að tísta!

Þórður Steinar með hörkuskot, en boltinn yfir.

Seinni hálfleikur byrjar eins og sá fyrri. Afar lítið í gangi.

Steve Lennon skýtur boltanum yfir markið eftir aukaspyrnu frá Sam Tillen. Skotið úr miðjum vítateignum.

Árni Vilhjálmsson fær hér algjört dauðafæri eftir miklan barning í teignum. Hann fékk boltann inní markteig Framara, en hitti ekki boltann og féll í jörðina.

Leik lokið í Kópavogi með 2-0 sigri Framara. Umfjöllun og viðtöl væntanleg.