Komiði sæl og verið velkomin í beina textalýsingu frá leik Fylkis og Vals í fimmtu umferð Pepsi-deildar karla. Leikurinn hefst klukkan 19:15.

Fylkir gerir tvær breytingar frá 1-1 jafntefli gegn ÍBV í eyjum í síðustu umferð. Árni Freyr Guðnason og Ásgeir Börkur Ásgeirsson koma inn fyrir Magnús Þóri Matthíasson og Odd Inga Guðmundsson. Valur gerir bara eina breytingu frá síðustu umferð þegar þeir töpuðu 0-1 fyrir KR heima. Matthías Guðmundsson kemur inn fyrir Hafstein Briem.

Heimamenn í Fylki eiga enn eftir að vinna leik í sumar en hafa samt verið að hala inn stigum með þremur jafnteflum og einu tapi í fjórum leikjum. Þeir eru í 9. sæti fyrir leiki kvöldsins en gestirnir í Val í 5. sæti með sex sig eftir tvo sigra og tvö töp.

Björgólfur Takefusa er mættur í leikmannahóp Fylkis í fyrsta sinn í sumar en hann er á láni hjá félaginu frá Víkingum.

Haukur Ingi Guðnason aðstoðarþjálfari Fylkis tekur fullan þátt í upphitun með leikmönnum liðsins. Hann er þó ekki með leikheimild með liðinu heldur enn skráður í Grindavík svo stuðningsmenn Fylkis geta ekki gert sér vonir um að sjá hann spila með liðinu.

Þorlákur Árnason þjálfari Íslandsmeistara kvenaliðs Stjörnunnar er mættur í stúkuna. Hann hefur þjálfað bæði liðin sem mætast hér í kvöld. Sonur hans, Indriði, er leikmaður Vals en er ekki í hóp í kvöld og því með honum í stúkunni.

Leikurinn fer senn að hefjast. Liðin ganga hér inn á völlinn. Fylkismenn að venju í appelsínugulum búningum en Valur í varabúningum sínum, bláum treyjum og hvítum buxum og sokkum.

Hjörtur Hermannsson er í byrjunarliði Fylkis í dag en þessi 17 ára gamli leikmaður er að leika kveðjuleik sinn fyrir félagið því hann er að ganga til liðs við PSV Eindhoven í Hollandi. Hann er að leika fjórða leik sinn á tímabilinu og 13 leik alls og er miðvörður í dag.

Leikurinn er hafin. Heimamenn í Fylki leika í átt að Fylkisheimilinu.

Leikurinn byrjar fjörlega. Árni Freyr Guðnason átti aukaspyrnu rétt fyrir utan vítateig Vals sem hann skaut með jörðinni og Sindri varði. Valsmenn fóru upp og Guðjón Pétur komst í gott skotfæri sem Fylkismenn náðu að verjast.

Svona stilla liðin upp í dag. Fylkir: Bjarni Þórður Andri Þór - Hjörtur - Elebert - Ásgeir Eyþórs Finnur - Ásgeir Börkur Davíð Ingimundur - Árni Freyr - Tómas Joð Valur: Sindri Andri - Atli Sveinn Halldór - Úlfar Haukur - Guðjón Rúnar Ásgeir - Hörður Matthías

Hörður Sveinsson í dauðafæri eftir að Ásgeir Börkur sendi inn fyrir eigin vörn á hann. Bjarni Þórður blakaði horninu yfir markið og í horn.

Það er nóg að gera hjá Bjarna Þórði sem varði núna frá Matthíasi af stuttu færi eftir góðan undirbúning Ásgeirs Ingólfssonar.

Valsmenn halda áfram að sækja og á rúmri mínútu hafa þeir átt þrjú skot að marki. Fyrst varði Bjarni Þórður í horn frá Rúnari Má og svo skutu Hörður Sveinsson og Rúnar Már framhjá markinu.

Síðari hálfleikur er hafinn. Liðin koma óbreytt til leiks.

Nú munaði engu að Árni Freyr næði þrennunni. Davíð Þór sendi inn í teiginn frá hægri kanti á Árna sem tók boltann viðstöðulaust en skaut rétt framhjá.

Ingimundur í dauðafæri en setti boltann framhjá marki Vals með innnanfótarskoti.

Tómas Joð með þrumuskot fyrir utan teig sem Sindri Snær markvörður Vals rétt náði að blaka yfir markið.

Haukur Páll í fínu skotfæri í teignum en skaut yfir mark Fylkismanna.

Leiknum er lokið með 3-1 sigri Fylkis. Fyrsti sigur liðsins í sumar en þriðja tap Valsmanna. Áhorfendur voru 833. Viðtöl og frekari umfjöllun koma hér á Fótbolta.net síðar í kvöld.