SKÝRSLAN: Heima er best
Hvað réði úrslitum?
Gullfótur Erlings Agnarssonar réði úrslitum í kvöld skoraði líka þetta glæsilega mark sem sómir sér vel sem sigurmark leiksins.
Hnitmiðað og fast skot í blávinkilinn sem Arnar í marki HK átti aldrei möguleika á að verja.
Bestu leikmenn
1. Erlingur Agnarsson
Driffjöður í sóknarleik Víkinga, skilur leikinn vel og þótt Víkingar hafi átt erfitt uppdráttar undir lokin þegar Erlingi hafði verið skipt af velli þá voru hans gæði það sem skildi á milli í kvöld.
2. Atli Hrafn Andrason
Mark og stoðsending þætti gott á flestum bæjum heilt yfir flottur leikur. Hefði sætaskipti við Erling ef ekki fyrir Atvikið
Atvikið
Eftir rosalega vinnusemi og baráttu Guðmundar Andra Tryggvasonar sem vinnur vonlausan bolta,kemst inná teiginn og leggur hann fyrir Atla Hrafn sem er einn fyrir opnu marki nánast á markteig á 42. mínútu tók Atli uppá því að skjóta framhjá, hvernig hef ég ekki hugmynd um og vona eiginlega að hann viti það ekki heldur. Sem betur fer reyndist það ekki dýrt í dag.
Hvað þýða úrslitin?
Víkingar sækja sinn fyrsta sigur í sumar og fara í 7 stig og skilja Val eina eftir á botninum og lyfta sér upp í 9.sæti. HK situr svo sæti fyrir neðan með 5 stig.
Vondur dagur
Framlína HK fékk alveg færi en náði bara ekki að nýta þau. Sannkallað stöngin út og menn þurfa að ná sér í sjálfstraust og koma boltanum í netið.
Dómarinn - 6
Þokkalegur dagur hjá Agli í dag. Mætti vera samkvæmari sjálfum sér en dæmir of mikið á klafs en sleppir sumum augljósum brotum. Leyfði þó leiknum að fljóta vel að mestu.