SKÝRSLAN: Guðmundur Steinn gaf FH líflínu sem þeir nýttu sér
Hvað réði úrslitum?
Tvö jöfn lið áttust við í kvöld sem hvorugt mátti við því að tapa stigum. Það sást á látunum undir lok leiks þegar liðið skiptust á að sækja án árangurs. Eftir að Stjarnan komst í 2-0 gáfu þeir FH-ingunum tækifæri á að ná stig eftir sjálfsmark Guðmundar Steins sem FH-ingar nýttu sér.
Bestu leikmenn
1. Brandur Olsen
Tvær góðar hornspyrnur sem skila FH-ingum tveimur mörkum. Fyrir utan það, þá átti Brandur öflugan leik sóknarlega og batt saman sóknarleikinn.
2. Hilmar Árni Halldórsson
Verum ekkert að flækja hlutina hér. Tvö mörk. Kláraði vel í öðru færinu með því að gera þetta einfalt og örugglega.
Atvikið
Pétur Viðarsson fékk boltann í höndina við marklínuna í uppbótartíma en Ívar Orri lét leikinn halda áfram. Stjörnumenn voru gjörsamlega sturlaðir í kjölfarið. Hvað segja reglurnar?
Hvað þýða úrslitin?
Liðin eru enn með jafn mörg stig í deildinni en Fylkir fór uppfyrir liðin með sigri sínum í kvöld. FH og Stjarnan eru því í 5. og 6. sæti deildarinnar.
Vondur dagur
Hér er hægt að nefna nokkur dæmi. Auðvitað er ansi vont fyrir alla þá leikmenn sem þurftu að fara af velli vegna meiðsla og þá sérstaklega Hjört Loga, Eyjólf Héðinsson og Guðjón Baldvinsson sem allir fóru af velli í fyrri hálfleik. Síðan er ekki hægt að sleppa því að minnast á færin sem Steven Lennon og Jónatan Ingi klúðruðu í fyrri hálfleik og síðan fékk Lennon fínt tækifæri í uppbótartíma. Ég verð síðan að bæta við Guðmundi Steini sem varð fyrir því óláni að skora sjálfsmark sem kom FH-ingunum aftur inn í leikinn.
Dómarinn - 5
Heilt yfir allt í lagi, ekki gott. Ætla ekki að koma með neina sleggjudóma en Pétur Viðarsson fær boltann í höndina augljóslega innan vítateigs í uppbótartíma en Ívar Orri lætur leikinn halda áfram. Ég segi bara eins og Jósef Kristinn: Ég Veit ekki hvernig þessar helvítis reglur eru.