SKÝRSLAN: Sigurmark í uppbótartíma í nágrannaslagnum
Hvað réði úrslitum?
Audrey Baldwin var geggjuð í markinu og það hélt HK/Víking inn í leiknum. Það sem ræður hinsvegar úrslitum er þetta mark á 93. mínútu sem að Agla skorar.
Bestu leikmenn
1. Agla María Albertsdottir (Breiðablik)
Var mjög öflug í þessum leik og er alltaf hættuleg með hraða sínum og tækni! Hún nær í þessi 3 stig fyrir Blika með sigurmarkinu á 93.mínútu.
2. Audrey Rose Baldwin (HK/Víkingur)
Sú var sturluð í þessum leik varði og varði og átti teiginn í öllum hornspyrnu. Ein af aðalástæðum þess að staðan var lengi vel 1-0. Óheppinn að ná ekki að verja sigurmarkið en hún var með fingur á boltanum.
Atvikið
Sigurmarkið hjá Öglu á 93. mínútu. Einfalt
Hvað þýða úrslitin?
Breiðablik eru ennþá taplausar með fullt hús stiga á toppnum ásamt Val. HK/Víkingur eru hinsvegar í 9.sæti eftir tapið í kvöld með 6.stig.
Vondur dagur
Kristrún Kristjánsdóttir hefur átt betri daga í vinstri bakverðinum hjá gestunum. Selma og Ásta keyrðu á hana trekk í trekk sérstaklega í seinni hálfleik og hún virkaði mjög þreytt bara á 70. mínútu og alltaf aðeins á eftir. Það skapaðist mikið af hættulegum færum eftir sóknir upp hægri kantinn hjá Blikum.
Dómarinn - 8
Reyndi lítið á hann