SKÝRSLAN: Fylkismenn komnir á blað eftir hörku leik í Árbænum.
Hvað réði úrslitum?
Fylkismenn kláruðu færin sín einfaldlega betur en Gróttumenn í dag og það var það sem réði þessu í dag.
Bestu leikmenn
1. Valdimar Þór Ingimundarson (Fylkir)
Skoraði bæði mörk Fylkis í dag og gerði sérstaklega vel í öðru markinu þegar hann kemur sér inn í sendingu Gróttumanna og leikur á einn áður en hann lagði boltan skemmtilega í netið
2. Aron Snær Friðriksson (Fylkir)
Mér fannst Aron flottur í dag. Varði vítaspyrnu Ólivers í síðari hálfleik og hélt marki Fylkis hreinu í dag.
Atvikið
Helgi Valur Daníelsson brýtur á sér sköflunginn í byrjun síðari hálfleiks eftir samstuð við Sigurvin Reynisson
Vonandi bindir þetta ekki enda á ferilinn hans og óska ég honum alls hins besta.
Hvað þýða úrslitin?
Fylkismenn fá sín fyrstu 3 stig sumarsins en Gróttumenn þurfa að bíða aðeins lengur eftir sínum fyrstu stigum.
Vondur dagur
Sóknarleikur Gróttu - Komu sér oft í afar góðar stöður oft í leiknum og klúðra meðal annars vítaspyrnu undir lok leiks. 0 mörk í 3 leikjum hlýtur að vera áhyggjuefni fyrir Ágúst Gylfason.
Dómarinn - 5
Gerði vel í vítaspyrnu dómnum þegar hann dæmir víti á Ásgeir - Annars voru aðrar ákvarðanir ekki góðar hjá Sigga í dag