SKÝRSLAN: Blikar með fullt hús stiga
Hvað réði úrslitum?
Breiðablik var bara betra liðið hérna í kvöld þótt að Fjölnir var inni í leiknum lengi vel. Verðskuldaður sigur en Fjölnismenn fínir.
Bestu leikmenn
1. Gísli Eyjólfsson
Gísli var virkilega sprækur í kvöld, hélt því allan leikinn, átti marga góða spretti og kóronaði það með góðu marki.
2. Viktor Karl Einarsson
Viktor Karl var besti maður vallarins í fyrri hálfleik, síógnandi upp hægri kantinn en það hægðist á honum í seinni hálfleik. Góður leikur hjá honum.
Atvikið
Vítaspyrnuvarsla Antons Ara. Fjölnir gat jafnað leikinn 1-1 þegar Jóhann Árni steig á punktinn en Anton Ari varði vítið frá honum, hefði getað orðið annar leikur hefðu Fjölnir náð að jafna.
Hvað þýða úrslitin?
Breiðablik er á toppi deildarinnar með fullt hús stiga eftir þrjár umferðir á meðan Fjölnir er með eitt stig og situr í fallsæti eftir erfiða byrjun.
Vondur dagur
Jóhann Árni Gunnarsson.
Jóhann Árni komst aldrei almennilega inn í leikinn, sást lítið og þegar Fjölnir fékk víti fór hann á punktinn og tók lélega spyrnu sem Anton Ari varði.
Dómarinn - 6
Nafni minn hann Egill Arnar og hans teymi áttu allt í lagi leik. Ég er ekki viss með allar vítaspyrnunar en þær voru nokkuð réttar þó. Hann hefði hæglega getað dæmt eitt víti til viðbótar og hann var full spjaldaglaður í kvöld.