SKÝRSLAN: Mættu ákveðnari til leiks og kláruðu leikinn á tuttugu mínútum
Hvað réði úrslitum?
Þórsarar mættu bara ákveðnari til leiks og kláruðu leikinn á tuttugu mínútum
Bestu leikmenn
1. Bjarki Þór Viðarsson
Frábær í hægri bakverðinum. Ógnaði sífellt með krossum og var með glæsilegt mark og stoðsendingu í dag.
2. Ólafur Aron Pétursson
Byrjar mótið frábærlega fyrir Þór, var frábær á miðjunni í dag og lagði markið upp á Bjarka.
Atvikið
Josip Zeba fékk rautt spjald þegar um klukkutími var liðinn af leiknum. Fínn dómari leiksins Arnar Þór Stefánsson tók sinn tíma í að rífa upp spjaldið.
Hvað þýða úrslitin?
Þór næla sér í sín fyrstu stig í sumar en Grindavík tapa sínum fyrsta leik.
Vondur dagur
Það hlýtur að vera Josip Zeba. Var eitthvað illa fyrir kallaður og bauð hættunni heim oft á tíðum. Réttilega rekinn af velli.
Dómarinn - 7
Arnar Þór Stefánsson átti fínan leik, verðskuldað rautt spjald. Stuttu eftir rauða spjaldið dæmdi hann hendi sem enginn annar á vellinum virtist taka eftir.