SKÝRSLAN: Sigur Breiðabliks verðskuldaður en smá 'ef og hefði'
Hvað réði úrslitum?
Breiðablik var betra liðið úti á vellinum í dag og átti skilið að vinna. KA átti að fá víti í stöðunni 1-0, hægt að spila einhvern ef og hefði leik en spilamennska KA heillaði mig ekki og sigur Blika verðskuldaður.
Bestu leikmenn
1. Gísli Eyjólfsson
Mark og stoðsending, hefði vel getað skorað fleiri og sennilega lagt upp fleiri. Gísli var virkilega góður og finnur sig vel í sínu hlutverki úti vinstra megin.
2. Viktor Karl Einarsson
Viktor Karl átt virkilega gott tímabil og er virkilega góður alhliðaleikmaður. Skoraði gott mark og sinnti allri sinni vinnu mjög vel.
Atvikið
Ekki-vítið. Vilhjálmur er búinn að viðurkenna að hann hefði dæmt vítið ef hann hefði haft annað sjónarhorn á þetta.
Hvað þýða úrslitin?
Breiðablik er stigi á eftir Val og bæði lið eiga eftir fimm leiki. KA er sex stigum á eftir toppliðinu. Liðin mætast aftur á Greifavelli á miðvikudag.
Vondur dagur
Grímsi getur verið brjálaður út í færið sem hann klikkaði á í stöðunni 1-0. Algjört dauðafæri, mögulega truflaði hlaupið hjá Þorra hann en kröfur á þetta gæðamikinn leikmann að klára í þessari stöðu.
Dómarinn - 4
Ég er sammála Blikum að spjaldið á Viktor Örn var virkilega sérstakt. KA átti þá að fá vítaspyrnu eins og áður hefur verið komið inn á.