SKÝRSLAN: Ekki mikið fyrir augað á Domusnovavellinum í Breiðholti
Hvað réði úrslitum?
Þessi leikur var alls ekki mikið fyrir augað en það sem réði úrslitum í kvöld var að Fram kláruðu sénsana sína á meðan Leiknismenn fóru ílla með sín tækifæri. Leikurinn var kaflaskiptur en Framarar voru betri í þeim fyrri en Leiknismenn betri í þeim síðari.
Bestu leikmenn
1. Ólafur Íshólm Ólafsson (Fram)
Ólafur Íshólm var traustur og öruggur í marki Fram í kvöld og gerði vel á lykilmómentum leiksins þegar hann varði í tvígang vel frá Róberti Haukssyni.
2. Fred Saravia (Fram)
Fred var sprækur á vængnum hjá Fram í kvöld og skoraði fyrsta mark leiksins með góðu einstaklingsframtaki.
Atvikið
Varslan hjá Ólafi Íshólm undir lokin þegar Mikkel Dahl vippaði boltanum inn á Róbert Hauksson sem slapp aleinn í gegn á móti Óla sem gerði sig breiðan og lokaði frábærlega í stöðunni 1-2 fyrir Fram.
Hvað þýða úrslitin?
Leikinir situr á botni deildarinnar með aðeins tvö stig og þarf liðið að bíða eitthvað lengur eftir sínum fyrsta sigri. Framarar vinna sinn fyrsta leik í Bestu deildinni og situr liðið í áttunda sæti með 5.stig.
Vondur dagur
Róbert Hauksson (Leiknir) - Róbert Hauksson fékk svo sannarlega færi í kvöld en hann slapp tvisvar aleinn í gegn á Ólaf Íshólm á lykilmómentum í leiknum en klúðraði þeim. Hugsa að Róbert Hauksson sé hundsvekktur með að hafa ekki nýtt þessi færi sem hann fékk í kvöld.
Dómarinn - 7
Egill Arnar og hans menn voru bara fínir í kvöld. Reyndi svosem ekki mikið á teymið í Breiðholtinu í kvöld.